ٹم ساؤتھی ٹی ٹونٹی انٹرنیشنل کرکٹ میں زیادہ وکٹیں لینے والے کیوی باؤلر بن گئے

ویلنگٹن (سپورٹس لنک رپورٹ) ٹم ساؤتھی ٹی ٹونٹی انٹرنیشنل کرکٹ میں زیادہ وکٹیں لینے والے کیوی باؤلر بن گئے، انہوں نے گزشتہ روز سہ ملکی ٹی ٹونٹی سیریز کے سلسلے میں انگلینڈ کے خلاف کھیلے گئے میچ میں ایک وکٹ لیکر ہم وطن باؤلر نیتھن میک کولم کی زیادہ وکٹوں کا ریکارڈ توڑ کر یہ کارنامہ انجام دیا، نیتھن میک کولم نے 58 وکٹیں لے رکھی تھیں جبکہ ساؤتھی کی وکٹوں کی تعداد 59 ہو گئی ہے، اس کے علاوہ ساؤتھی زیادہ وکٹیں لینے والے دنیا کے دسویں باؤلر بن گئے ہیں، ٹی ٹونٹی کی تاریخ میں زیادہ وکٹیں لینے کا عالمی اعزاز سابق پاکستانی باؤلر شاہد آفریدی کو حاصل ہے جنہوں نے 97 وکٹیں حاصل کی ہوئی ہیں۔