ثنا بچہ کو پی ایس ایل میں کیا ذمہ داری ملی؟جانیئے اس رپورٹ میں

دبئی ( سپورٹس لنک رپورٹ)پاکستان سپر لیگ کے تیسرے ایڈیشن کے لیے فرنچائز پشاور زلمی نے صحافی و اداکارہ ثناء بچہ کو برانڈ ایمبیسڈر منتخب کرلیا۔

پی ایس ایل کے تیسرے ایڈیشن کا آغاز کل سے دبئی میں ہورہا ہے جس کے لیے تمام تیاریاں عروج پر پہنچ گئی ہیں اور تمام ٹیمیں بھی جیت کے لیے پر عزم ہیں۔

پی ایس ایل کی فرنچائز پشاور زلمی نے ماہرہ خان کے بعد صحافی و اداکارہ ثناء بچہ کو بھی برانڈ ایمبیسڈر منتخب کیا ہے۔

فرنچائز کے چیئرمین جاوید آفریدی نے ٹوئٹر پر ثناء بچہ کو برانڈ ایمبیسڈر بنائے جانے کا اعلان کیا۔

— اسکرین شارٹ

ثناء بچہ صحافت کے پیشے سے وابستہ رہی ہیں اور انہوں نے فلم ’یلغار‘ میں اداکاری کے جوہر دکھائے ہیں۔

یاد رہے کہ تیسرے ایڈیشن میں پشاور زلمی اپنے اعزاز کا دفاع کرے گی۔

error: Content is protected !!