خود کشی کرنے والی امریکی سائیکلسٹ کا دماغ ریسرچ سنٹر کو دیدیا گیا

کیلی فورنیا (سپورٹس لنک رپورٹ)امریکی ریاست کیلیفورنیا میں 23سالہ اولمپکس میڈل یافتہ خاتون سائیکلسٹ کیلی کیٹلن کا دماغ ریسرچ سینٹر کو دیا گیا ہے۔میڈیا رپورٹس کے مطابق کیلی کیٹلن نے گذشتہ ہفتے خود کشی کر لی تھی جس کے بعد ان کے اہل خانہ نے کیلی کا دماغ امریکی ریسرچ سینٹر کو دینے کا فیصلہ کیاتھا ۔کیلی کے اہل خانہ کاکہنا ہے کہ گذشتہ سال دسمبر میں کیلی کے سر پر چوٹ لگی تھی جس کے بعد وہ پریشان رہنے لگی اور شاید اسی وجہ سے اس نے یہ تلخ اور مشکل قدم اٹھایا۔واضح رہےکہ کیلی کیٹلن کا شمار معروف نوجوان سائیکلسٹس میں ہوتا ہےجو 2015کے’ریو اولمپکس ‘میں سلور میڈل حاصل کرچکی ہیں جبکہ تین سال لگاتار اولمپکس ٹیم میں شمولیت کا اعزاز بھی اپنے نام کراچکی ہیں۔امریکی میڈیا رپورٹس کے مطابق کیلی اسٹینفورڈیونیورسٹی میں زیر ِتعلیم تھیں اور یونیورسٹی کے ہاسٹل میں ہی انہوں نے خودکشی کی تھی۔

1Shares

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!