عالمی کپ فٹبال،قطر کے ساتھ کویت اور عمان کو بھی میزبان بنانے کا فیصلہ

دوحہ(سپورٹس لنک رپورٹ) فیفا نے فٹبال ورلڈ کپ 2022 کے لئے قطر کے ساتھ ساتھ کویت اور عمان کو بھی میزبان بنانے کا فیصلہ کر لیا۔کھیل کی عالمی باڈی کا اجلاس آج امریکی ریاست میامی میں ہو رہا ہے۔ فیفا نے ورلڈ کپ 2022 کیلئے قطر کے ساتھ کویت اور عمان کو بھی میزبانی دینے کا فیصلہ کر لیا ہے جس کا باضابطہ اعلان آج کیا جائے گا۔آئندہ عالمی کپ میں بتیس کے بجائے اڑتالیس ٹیموں کی شرکت متوقع ہے۔ زیادہ میچز کے پیش نظر فیفا نے میزبان ممالک کی تعداد بڑھانے کا فیصلہ کیا ہے۔ میامی اجلاس کیلئے قطر، کویت اور عمان کے فٹبال حکام امریکہ پہنچ چکے ہیں۔ فرانس کی ٹیم فٹبال کی عالمی چیمپئن ہے جس نے 2018 کے فائنل میں کروشیا کو شکست دی تھی۔

error: Content is protected !!