پاک افغان وہیل چیئر کرکٹ سیریز کا 29 ستمبر سے آغاز

پاک افغان وہیل چیئر کرکٹ سیریز کا 29 ستمبر سے آغاز

ٹرافی کی رونمائی اتوار کو ہوگی،

چار ٹی ٹوئنٹی سیریز پر مشتمل سیریز کراچی میں کھیلے جائیں گے۔

کراچی: پاک افغان وہیل چیئر ٹی ٹوئنٹٰی کرکٹ سیریز2025 کا آغاز پیر سے ہوگا۔ ٹرافی کی رونمائی اتوار کو ہوگی، سیریز کا پہلا میچ شام 6 بجے یو بی ایل اسپورٹس کمپلیکس کراچی میں کھیلے جائیں گے۔

پاکستان وہیل چیئر کرکٹ کونسل کے ترجمان کے مطابق افغانستان وہیل چیئر کرکٹ ٹیم پہلی بار پاکستان کا دورہ کررہی ہے۔ ایشیا کپ سے پہلے پاک افغان سیریز کا انعقاد انتہائی اہمیت کا حامل ہے۔

چار ٹی ٹوئنٹی میچز پر مشتمل سیریز کادوسرا میچ 30 ستمبر، تیسرا میچ یکم اکتوبر اور چوتھا میچ 2 اکتوبر کو کھیلے جائیں گے۔ قومی ٹیم کو ایشیا کپ سے پہلے بھرپور تیاری کا موقع ملے گا۔

قومی ٹیم کی کپتانی محمد ذیشان کریں گے،

دیگر کھلاڑیوں میں عمران آرائیں (نائب کپتان) محمد فیاض، احمد یار سینئر، مثال خان، صدر ایوب، توصیف ملک، مبین اقبال، اسامہ طارق، جمعہ خان، زاور خان ،وقاص سعید، سعید بنوں اور ساجد خان شامل ہیں جبکہ ریزو کھلاڑیوں میں سعید خان، شاہ فیصل اورگوہر آفریدی شامل ہیں۔ ٹیم کے کوچ سید فیضان باقر نقوی اور رضوان الحق ٹیم مینجر ہونگے۔

واضح رہے پاکستان نے نومبر میں تیسرے ایشیا کپ کی میزبانی بھی کرنی ہے جس میں چھ ٹیمیں شرکت کررہی ہیں۔