آسٹریلیا کے ہاتھوں عبرت ناک شکست کے باوجود پاکستان دنیا کی نمبر 1 ٹی ٹوئنٹی ٹیم قرار

دوبئی /پرتھ(سپورٹس لنک رپورٹ) آسٹریلیا کے ہاتھوں عبرت ناک شکست کے باجود پاکستان دنیا کی نمبر 1 ٹی ٹوئنٹی قرار، آئی سی سی کی جانب سے جاری کردہ تازہ ترین رینکنگ کے مطابق قومی ٹیم تاحال پہلے نمبر پر براجمان، جبکہ کینگروز کی ٹیم دنیا کی دوسری بہترین ٹیم بن گئی۔

تفصیلات کے مطابق آئی سی سی نے ٹی ٹوئنٹی کرکٹ کی تازہ ترین رینکنگ جاری کر دی ہے۔جاری کردہ رینکنگ کے مطابق پاکستان آسٹریلیا کے ہاتھوں شکست کے باوجود اب بھی دنیا کی نمبر 1 ٹیم ہے۔ جبکہ آسٹریلیا اب رینکنگ میں دوسرے نمبر پر آگئی ہے۔

دوسری جانب پرتھ میں آسٹریلیا کے ہاتھوں 10 وکٹوں کی شکست کے ساتھ 2019 ء پاکستانی ٹی ٹونٹی ٹیم کیلئے ڈرآنے خواب کے ساتھ اختتام پزیر ہوا۔ورلڈ رینکنگ میں نمبر ون پوزیشن پر موجود پاکستانی ٹیم 2019ء میں ایسوسی ایٹ ٹیم کی مانند کھیلتی نظر آئی۔پرتھ میں

10 وکٹ کی شکست کے ساتھ پاکستان کرکٹ ٹیم نے مسلسل فتوحات سے محرومی کے 7 میچز مکمل کر لیے جو پاکستان ٹیم کا ٹی ٹونٹی میں جیت کیلئے سب سے طویل انتظار بن گیا ،پاکستانی ٹیم نے جنوبی افریقا کیخلاف سیریز کا آخری میچ جیتا تھا جس کے بعد اسے انگلینڈ سے واحد ٹی ٹونٹی میں شکست ہوئی،

پھر سری لنکاکی بی ٹیم سے ہوم گرآنڈ پر 3 میچز میں وائٹ واش ہوئے اور اسکے بعد آسٹریلیا سے پہلا میچ بارش کی نذر ہونے کے بعداگلے دونوں میچز میں اسے شکست کا سامنا کرنا پڑا۔

یہ 2010 ء کے بعد پاکستان ٹیم کا فتوحات سے محرومی کا سب سے لمبا انتظار ہے، 2010ء میں پاکستان ٹیم مسلسل 6 میچز فتوحات سے محروم رہی تھی۔پاکستان نے سال کا آغاز اور اختتام نمبر ون ٹیم کی حیثیت سے کیا لیکن تلخ حقیقت یہ ہے کہ گرین شرٹس پورے سال میں محض

ایک ٹی ٹونٹی میچ جیت پائے۔2019 ء میں پاکستان نے دس ٹی ٹونٹی میچز کھیلے جن میں سے 8 میں اسے شکست ہوئی، ایک میچ بے نتیجہ رہا جبکہ صرف ایک میچ میں ہی اسے کامیابی حاصل ہوئی۔ یہ بات بھی قابل ذکر ہے کہ 2019ء میں پاکستانی ٹیم تین مختلف کپتانوں

شعیب ملک، سرفراز احمد اور بابر اعظم کی قیادت میں میدان میں اتری لیکن کوئی بھی ٹیم کو سیریز کی کامیابی نہ دلواسکا۔

0Shares

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!