لاہور قلندرز اور کراچی کنگز کے میچ میں صحافیوں کو گرفتار کیا گیا،عامر متین کا انکشاف

لاہور(سپورٹس لنک رپورٹ) سینئر صحافی اور تجزیہ نگار عامر متین نے انکشاف کیا ہے کہ پاکستان سپر لیگ میں لاہور قلندرزا ور کراچی کنگز کے مابین میچ کے بعد ہونے والی تلخ کلامی پر پاکستان کرکٹ بورڈ (پی سی بی ) کے جنرل منیجر(جی ایم ) انٹر نیشنل کرکٹ آپریشنز عثمان واہلہ نے صحافیوں کو گرفتار کروادیا تھا ۔نجی ٹی وی پروگرام میں گفتگو کرتے ہوئے عامر متین کا کہنا تھا کہ لاہور قلندرز اور کراچی کنگز کے مابین میچ کے دوران لاہور قلندرز کے مالک رانا فواد،ثمین رانا اور عاطف رانا کی فیملیز انکلوژر میں بیٹھی ہوئی تھیں جہاں سے اس میچ کے دوران خوب ہوٹنگ کی گئی ، اس دوران کراچی کنگز کے صدر وسیم اکرم انتہائی غصے میں آئے اور کہا کہ یہاں سے انہیں چھیڑا گیا ہے اور پھر فیملیز کے سامنے انتہائی نازیبا الفاظ استعمال کیے،اس کے بعد کراچی کنگز کے فا سٹ باؤلرمحمد عامر آئے اور انہوں نے بھی انگلی سے انتہائی نازیبا اشارے کیے ، عامر متین کے مطابق ان کے بعد کراچی کنگز کے کپتان عماد وسیم مقامی ایڈمنسٹریشن لے کر آئے اور انگلی کے اشارے کرکے بتانے لگے کہ ان لوگوں کی وجہ سے ہم کھیل پر پوری طرح دھیان نہیں دے سکے اور اس کے بعد مقامی ایڈمنسٹریشن کے لوگ آئے اور سینئر صحافی رانا جواد اور اویس توحید سے کارڈ لے کر انہیں گرفتار کرلیا،ان سب میں نجم سیٹھی کے دور میں ہاتھ کا چھالہ بنا کررکھے جانے والے پی سی بی کے عثمان واہلہ پیش پیش تھے جو اشارے کرکے بتارہے تھے کہ کس کس نے ہوٹنگ کی ہے ،عامر متین کاکہنا تھاکہ عثمان واہلہ نے معاملہ حل کرنے کی بجائے اسے بڑھاوا دیا۔

6Shares

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!