نصیر الدین شاہ نے ویرارت کوہلی کو کیا کہہ دیا۔۔۔۔؟

نئی دہلی (سپورٹس لنک رپورٹ)بھارتی کپتان ویرات کوہلی جہاں اپنی عمدہ بیٹنگ کے لئے کرکٹ کی دنیا میں نہایت مقبول ہیں، وہیں اپنے مزاج کے حوالے سے تنازعات کا شکار رہتے ہیں۔زیادہ دور نہیں کچھ عرصہ پہلے ایک پروموشنل ویڈیو میں ویرات کوہلی اپنے ایک مداح کے ان ریمارکس کہ ’’وہ موجودہ بھارتی کھلاڑیوں سے زیادہ انگلینڈ اور آسٹریلیا کے بیٹسمینوں کو پسند کرتا ہے‘‘ پر آگ بگولہ ہوگئے تھے اور جواب میں کہا تھا کہ جو غیرملکی کھلاڑیوں کو پسند کرتے ہیں اُنہیں بھارت چھوڑ دینا چاہئے‘‘سوشل میڈیا پرکوہلی کو اپنے اس بیان پر شدید تنقید کا سامنا کرنا پڑا تھا۔اب سینئر اداکار نصیرالدین شاہ بھی میدان میں آگئے ہیں اور ویرات کوہلی کو ’بدمزاج ترین کھلاڑی‘ قرار دے دیا ہے۔سوشل میڈیا پر ایک بیان میں نصیرالدین شاہ کا کہنا ہے کہ ’’ویرات کوہلی ناصرف دنیا کے بہترین بیٹسمین ہیں بلکہ بدمزاج ترین کھلاڑی بھی ہیں،کرکٹ میں اُن کی چمک تکبر اور برے رویے کے آگے پھیکی پڑ جاتی ہےاور ہاں میراملک چھوڑنے کا کوئی ارادہ نہیں ہے‘‘سوشل میڈیا پر بھارتی اداکار کے اس بیان پر ملاجلا ردعمل سامنے آیا ہے، بعض کاکہنا ہے کہ آسٹریلینز کو ہرانے کے لئے اس قسم کا جارح مزاج ضروری ہے جبکہ کچھ لوگوں نے نصیرالدین شاہ سے اتفاق کرتے ہوئے کوہلی پر تنقید کی ہے۔

8Shares

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!