انضمام الحق ٹیم کی کارکردگی پر افسردہ

سابق کپتان اور قومی کرکٹ ٹیم کی سلیکشن کمیٹی کے سربراہ انضمام الحق نے کہا ہے کہ پاکستان ٹیم نیوزی لینڈ کیخلاف بہتر کھیل سکتی تھی ۔

لاہور میں میڈیا سے گفتگو میں انضمام الحق نے کہا کہ ٹیم کی وطن واپسی پر فیصلے کریں گے اور جہاں ضرورت ہوئی تبدیلی بھی کی جائے گی ۔

ان کا کہناتھاکہ پوری قوم کی طرح انہیں بھی ٹیم کی شکست پرافسوس ہے، لیکن قومی ٹیم جیسا کھیلی ہے اس سے بہت بہترپرفارم کرسکتی تھی، ٹیم میں نیوزی لینڈ کو ہرانے کی صلاحیت موجود ہے۔

انضمام نے یہ بھی کہا کہ ٹیم کی واپسی پرکپتان اورکوچ کےساتھ بیٹھیں گے اور جہاں تبدیلی کی ضرورت ہوئی کریں گے۔

چیف سلیکٹر نے امید ظاہر کی ٹی20 سیریزمیں پاکستان کی کارکردگی بہترہوگی۔

 

error: Content is protected !!