جے پی ڈومینی اسلام آباد یونائیٹڈ کی قوت بڑھانے دبئی پہنچ گئے

دبئی (سپورٹس لنک رپورٹ)جنوبی افریقہ کے جارح مزاج بیٹسمین جے پی ڈومینی بھی پاکستان سپر لیگ میں شرکت کے لیے دبئی پہنچ گئے۔

جنوبی افریقی بلے باز جے پی ڈومینی پاکستان سپر لیگ کے تیسرے ایڈیشن میں اسلام آباد یونائیٹڈ کی نمائندگی کریں گے۔

جارح مزاج بلے باز نے ٹوئٹر پر پہلے مداحوں کو پی ایس ایل میں شرکت کے لیے دبئی روانگی کی اطلاع دی اور پھر دبئی پہنچنے سے آگاہ کیا، ساتھ ہی انہوں نے اپنی ٹیم اسلام آباد یونائیٹڈ کے لیے نیک تمناؤں کا بھی اظہار کیا۔

اسلام آباد یونائیٹڈ نے اب تک پی ایس ایل میں 2 میچز کھیلے ہیں جس میں سے اسے ایک میں کامیابی اور ایک میں شکست کا سامنا کرنا پڑا۔