سابق کپتان شعیب ملک 36 برس کے ہوگئے

آل راؤنڈر نے انٹرنیشنل کیرئیر کا آغاز انیس سو ننانوے میں کیا۔ وہ قومی ٹیم کی قیادت بھی کرچکے ہیں۔ سابق کپتان نے دو ہزار دس میں عالمی شہرت یافتہ بھارتی ٹینس سٹار ثانیہ مرزا سے شادی کی تھی۔ شعیب ملک اب تک 261 ون ڈے میچز میں چھ ہزار نو سو پچہتر رنز بنا اور ایک سو چون وکٹیں اڑا چکے ہیں۔

انہیں پانچ ٹی ٹونٹی ورلڈکپ کھیلنے کا بھی اعزاز حاصل ہے۔ بلے باز ٹیسٹ کرکٹ سے ریٹائرڈ ہوچکے۔ شعیب ملک حالیہ دورہ نیوزی لینڈ کے چار میچز میں صرف 43 رنز ہی بنا سکے تھے۔