ورلڈ سمر گیمز کی تیاری کیلئے سپیشل سوئمرز کا تربیتی کیمپ شروع

لاہور(سپورٹس لنک رپورٹ)مارچ2019ء میں ابوظہبی میں ہونے والی ورلڈ سمر گیمز کی تیاری کیلئے سیکرٹری سپورٹس پنجاب محمد عامر جان کی ہدایت پر سپورٹس بورڈ پنجاب کے تعاون اور پاکستان سپیشل اولمپکس کے زیراہتمام سپیشل سوئمرز کا سٹیٹ آف دی آرٹ پنجاب انٹرنیشنل سوئمنگ کمپلیکس میں تربیتی کیمپ شروع ہوگیا ہے جس میں سپیشل بچوں کو تربیت دی جارہی ہے

پاکستان کا دستہ سپیشل اولمپک پاکستان کے بینر تلے گیمز میں حصہ لے گا، سپورٹس بورڈپنجاب کے ماہر کوچز سوئمرز کو تربیت دے رہے ہیں، کیمپ میں 30(بوائز اینڈ گرلز) سوئمرز شرکت کررہے ہیں ،کیمپ کی نگرانی ڈائریکٹر سپورٹس محمد انیس شیخ کررہے ہیں۔