ویٹرنز کرکٹ ورلڈ کپ ،اعجاز احمد پاکستانی ٹیم کی قیادت کرینگے

لاہور(سپورٹس لنک رپورٹ)ویٹرنز کرکٹ ورلڈ کپ کے لئے قومی ٹیم تشکیل دے دی گئی۔ سابق ٹیسٹ کرکٹر اعجاز احمد گرین شرٹس کی کپتانی کریں گے۔ویٹرنز کرکٹ ایسوسی ایشن کی جانب سے اعلان کردہ 16 رکنی ٹیم میں اعجاز احمد، غلام علی، ساجد علی، شاہد انور، غفار کاظمی، دستگیر بٹ، جعفر قریشی، ظفر علی، امتیاز احمد تارڈ، صغیر عباس، جاوید حفیظ، بابر الطاف، عامر توصیف، آصف حیات، مظہر حسین اور عاصم شامل ہیں۔ ٹیم 17 نومبر کو سڈنی روانہ ہوگی جبکہ ویٹرنز ورلڈ کپ 20 نومبر سے 5 دسمبر تک شیڈول ہے، ایونٹ میں آٹھ ٹیمیں حصہ لیں گی۔