کوئٹہ گلیڈی ایٹرز نے آل سٹارز میچ کیلئے سکواڈ کااعلان کردیا

لاہور(سپورٹس لنک رپورٹ)کوئٹہ گلیڈی ایٹرز نے اسلام آباد یونائیٹڈ کیخلاف آل سٹارز میچ کے لئے سکواڈ کا اعلان کر دیا۔نمائشی میچ 15 فروری کوپنڈی کرکٹ سٹیڈیم میں کھیلا جائے گا ، گلیڈی ایٹرز کی قیادت سرفراز احمد کریں گے جبکہ دیگر کھلاڑیوں میں سابق قومی کپتان معین خان، ٹیم کے مالک ندیم عمر، سابق قومی آل راؤنڈر عبدالرزاق، فلم سٹار سعود، اداکار فیروز خان، شہروز سبزواری، گلوکار فاخر اور گلوکارہ عائمہ بیگ شامل ہیں ۔ اسلام آباد یونائیٹڈ کی قیادت مصباح الحق کرینگے جبکہ وقار یونس، رومان رئیس، شاداب خان، فلم سٹار فواد خان اور دیگر بھی ٹیم کا حصہ ہوں گے ۔