یوم آزادی پاکستان کی خوشیاں پاکستان کرکٹ بورڈ نے بھی منائیں

لاہور ( سپورٹس لنک رپورٹ ) یوم آزادی پاکستان کی خوشیاں پاکستان کرکٹ بورڈ نے بھی منائیں۔ خواتین کرکٹر کی زبانی "وطن کی مٹی گواہ رہنا ” کے ملی ترانے کے ساتھ خصوصی پیغام جاری کیا گیا۔ نیشنل کرکٹ اکیڈمی میں پاکستان اور آزاد کشمیر کے پرچم لہرائے گئے۔ پاکستان کا یوم آزادی پی سی بی نے خوب منایا، قومی ویمن کرکٹرز کی زبانی "وطن کی مٹی گواہ رہنا، گواہ رہنا” کا ملی ترانہ پر فلمائی گئی ویڈیو جاری کی گئی۔

سابق کپتان بسمہ معروف اور عالیہ ریاض سمیت قومی کرکٹرز نے یوم آزادی کا پیغام بھی دیا۔ادھر نیشنل کرکٹ اکیڈمی لاہور میں یوم آزادی کے موقع پر کشمیریوں سے اظہار یکجہتی کرتے ہوئے پہلی بار آزاد کشمیر کا جھنڈا بھی لہرایا گیا، یوم آزادی کی خوشیاں دوبالا کرتے ہوئے پاکستان کرکٹ بورڈ کے ایم ڈی وسیم خان نے کیک کاٹا۔

error: Content is protected !!