ایشین نیٹ بال چیمپین شپ: پاکستان سیمی فائنل میں

پاکستان نےہانگ کانگ کو شکست دیکر ایشین نیٹ بال چیمپین شپ کے سیمی فائنل تک رسائی حاصل کر لی ، پاکستان کے محمد اختر نے 49 گول اسکور کیے ۔

کوالالمپور میں جاری چیمپین شپ میں پاکستان نے ہانگ کانگ کو 38 کے مقابلے 66 گولزسے شکست دے کر سیمی فائنل کیلئے کوالیفائی کرلیا۔

پاکستان کی جانب سے محمد اختر نے 49 گول اسکور کیے ، عابد علی نے عمدہ کھیل پیش کیا۔

چیمپین شپ میں یہ پاکستان کی مسلسل تیسری فتح ہے ،اور 12 پوائنٹس کے ساتھ سرفہرست ہے ،ہانگ کانگ کے خلاف میچ میں 49 گول کرنے والے محمد اختر اب تک تین میچز میں سب سے زیادہ 155گول کرچکے ہیں۔

ایونٹ میں پاکستان اپنا چوتھا میچ کل میزبان ملایئشیا کے خلاف کھیلے گا۔