پی ایس ایل،اب تک کتنی ہیٹ ٹرکس ہوئیں؟دلچسپ رپورٹ

شارجہ(سپورٹس لنک رپورٹ)پاکستان سپر لیگ (پی ایس ایل) تھری کے 13ویں میچ میں کوئٹہ گلیڈی ایٹرز کے خلاف ملتان سلطانز کے بائولر عمران طاہر نے ہیٹرک بناڈالی ۔

پی ایس ایل کی تاریخ میں عمران طاہر ہیٹرک کرنے والے تیسرے بائولر بن گئے ہیں،انہوں نے یہ کارنامہ شعیب ملک کی قیادت میں انجام دیا۔

اس سے قبل پی ایس ایل تھری کے تیسرے میچ میں ملتان سلطانز کے ہی جنید خان نے لاہور قلندرز کے خلاف ہیٹرک کی تھی ۔

پی ایس ایل کی تاریخ کی پہلی ہیٹرک لیفٹ آرم فاسٹ بولر محمد عامر کے نام رہی ، انہوں نے2016ء میں کھیلے گئے پی ایس ایل کے پہلے ایڈیشن کراچی کنگز کی طرف سے لاہور قلندرز کے خلاف یہ کارنامہ انجام دیا تھا۔

پی ایس ایل کی اب تک کی تاریخ میں بننے والی یہ تینوں ہیٹرک شعیب ملک کی قیادت میں بنیں،جو ان کے لئے یقینی طور پر ایک اعزاز ہے ۔