کیچ ڈراپ کرنے پرکامران سوشل میڈپا تر تنقید کی زد میں آگئے

کراچی(سپورٹس لنک رپورٹ) پشاور زلمی کے وکٹ کیپر بلے باز کامران اکمل ٹورنامنٹ کے بہترین بیٹسمین قرار پائے لیکن فائنل میں ایک کیچ چھوڑنے پر شائقین نے سوشل میڈیا پر انہیں ہیرو سے زیرو بنادیا۔مداحوں نے فائنل میں اسلام آباد یونائیٹڈ کے ہاتھوں شکست کا سارا ملبہ وکٹ کیپر کامران اکمل پر ڈال دیا اور آصف علی کا انتہائی اہم کیچ ڈراپ کرنے پر انہیں سوشل میڈیا پر شدید تنقید کا نشانہ بھی بنایا جارہا ہے۔شائقین کرکٹ اور خاص طور پر پشاور زلمی اور ڈیرن سیمی کے مداحوں نے تو کامران اکمل کی مختلف تصاویر شیئر کرنا شروع کردیں جس پر مختلف تبصرے بھی کیے گئے ہیں۔جمیل احمد خان نامی صارف نے ٹوئٹر پر لکھا کہ ‘یہی وجہ ہے کہ کامران اکمل ٹیم سے باہر ہیں، دباؤ والے میچ میں وہ ہمیشہ کیچ چھوڑ دیتے ہیں’۔ایک صارف نے لکھا ’’پی ایس ایل فائنل، کامران اکمل ، ہیرو سے زیرو تک‘‘۔کسی نے اپنا غصہ کچھ اس طرح نکالا ’’کامران اکمل، تم نے کیچ نہیں پی ایس ایل ٹرافی گرا دی‘‘۔فیس بک اور ٹوئٹر پر صارفین نے کچھ اس طرح بھی کامران اکمل کو تنقید کا نشانہ بنایا:

دوسری جانب کچھ صارفین نے کامران اکمل کے دفاع میں بھی ٹوئیٹس کیں۔ ایک صارف نے کامران اکمل کے دفاع میں یہ کہا، ’’لوگ کامران اکمل کو تنقید کا نشانہ بنارہے ہیں جس پر مجھے غصہ آرہا ہے، ایک کھلاڑی ہر میچ میں کارکردگی نہیں دکھا سکتا، کامران اکمل تعریف کے مستحق ہیں کیوں کہ وہ پی ایس ایل کے دوسرے بہترین بیٹسمین رہے‘‘۔