سائیکلسٹ گولیرٹس ریس کے دوران ہارٹ اٹیک سے ہلاک

پیرس(سپورٹس لنک رپورٹ)پیرس روبے سائیکل ریس کے دوران بیلجیئم کا 23سالہ سائیکلسٹ مائیکل گولیرٹس دل کا دورہ پڑنے سے ہلاک ہوگیا۔ بیلجیئم کی نمائندگی کرنے والی ویرنداس ولیم ٹیم کے حکام نے سماجی رابطے کی ویب سائٹ پر نوجوان کی ہلاکت کی تصدیق کرتے ہوئے دکھ کا اظہار کیا ہے اور اسے ناقابل یقین واقعہ قرار دیا ہے ۔ گولیرٹس فنش لائن سے 150 کلومیٹر دور اچانک بے ہوش ہوکرگرپڑے تھے ، انہیں ہیلی کاپٹر کے ذریعے فرانس کے شہر لیل کے ہسپتال منتقل کیا گیا تاہم وہ جانبر نہ ہوسکے ۔ ڈاکٹر نے موت کی وجہ حرکت قلب بند ہونا قرار دی ۔

error: Content is protected !!