عمران خان کے بعد آفریدی نے بھی وہ اعلان کر دیا،جس کا سب کو انتظار تھا

اوٹاوا (سپورٹس لنک رپورٹ) پاکستان کے مایہ ناز بلے باز شاہد آفریدی کوہاٹ میں بچوں کا ہسپتال بنانے کے لیے کوشاں ہیں، اس سلسلے میں وہ ہسپتال کے لیے چندہ اکٹھا کرنے کے لیے کینیڈا میں ہیں جہاں وہ پاکستان اور بھارتی کمیونٹی سے ملاقاتوں کا سلسلہ جاری رکھے ہوئے ہیں اس کے ساتھ ساتھ وہ تقریبات میں شرکت کر رہے ہیں۔ شاہد آفریدی نے اسلامک ریلیف فنڈ کینیڈا کے ڈنر میں بھی شرکت کیاور کوہاٹ ہسپتال کے لیے چندہ اکٹھا کیا۔ کینیڈین وزیراعظم جسٹن اپنی مصروفیات کی وجہ سے اسلامک ریلیف فنڈ کے ڈنر میں تو شریک نہ ہوئے لیکن انہوں نے معروف کرکٹر شاہد آفریدی کے لیے خصوصی پیغام بھجوایا جو تقریب میں پڑھ کر سنایا گیا۔ کینیڈا کے وزیراعظم نے اپنے پیغام میں کہا کہ یہ میرے لیے بہت ہی خوشی کی بات ہے کہ میں آپ کو اسلامک ریلیف کینیڈا کی جانب سے منعقد کیے جانے والے سالانہ فنڈ ریزنگ ڈنر میں خوش آمدید کہہ رہا ہوں، ہمیں اس بات کا پتہ ہونا چاہیے کہ کینیڈا کی ترقی کی بنیاد اس کے معاشرے میں پایا جانے والا تنوع ہے، یہی وجہ ہے کہ کینیڈا میں بسنے والی تمام قومیتیں بشمول مسلمان اس کی ترقی اور بہتری کیلئے مل کر کام کرتے ہیں۔ آج ہم سب یہاں پاکستان میں بچوں کیلئے ایک ہسپتال کی تعمیر کیلئے چندہ اکٹھا کرنے کیلئے جمع ہوئے ہیں، آپ کی جانب سے اس ڈنر میں شمولیت اور آپ کا چندہ کینیڈین شہری ہونے کا منہ بولتا ثبوت ہے۔ شاہد آفریدی نے کینیڈین وزیر اعظم کی طرف سے پیغام بھیجنے پر ان کا شکریہ ادا کیا اور کہا کہ کینیڈا عظیم لوگوں کا ملک ہے، شاہد آفریدی نے اسلامک ریلیف فنڈ اور پاکستانی اور بھارتی کمیونٹی کا شکریہ بھی ادا کیا۔