ٹور ڈی خنجراب سائیکل ریس کا آغاز گلگت سے ہو گیا

گلگت: شاہراہ قراقرم پر پہلی بین الاقوامی سائیکل ریس کا آغاز گلگت کے سٹی پارک سے ہوگیا۔اس سائیکل ریس میں دنیا بھر سے 107 سائیکلسٹ شریک ہیں جنہیں 12 ٹیموں میں تقسیم کیا گیا ہے۔تمام ٹیمیں آج رات گلگت بلتستان کے خوبصورت ضلع نگر میں قیام کریں گی جس کے بعد وہ ہفتے کو سوست گاؤں پہنچیں گے جو درہ خنجراب سے 87 کلومیٹر کے فاصلے پر واقع ہے۔کمشنر گلگت ڈویژن عثمان احمد کا کہنا ہے کہ اس پورے ایونٹ کے لیے تمام راستوں پر سیکیورٹی کے سخت انتظامات کیے گئے ہیں تاکہ سائیکلسٹ کو مکمل تحفظ فراہم کیا جائے۔ انہوں نے بتایا کہ جب سائیکلسٹ خنجراب ہائی وے سے گزریں گے تو وہاں ٹریفک معطل کی جائے گی۔

بین الاقوامی سائیکل ریس کا اختتام درہ خنجراب پر ہوگا —. بشکریہ فیس بک

ریس کے تیسرے اور فائنل راؤنڈ میں تمام سائیکلسٹ خنجراب میں پاک چین سرحد پر دوڑ کا اختتام کریں گے۔پاکستان سائیکلنگ فیڈریشن کے صدر ہارون اور ڈائریکٹر محمد اقبال نے 9 مئی کو میڈیا سے گفتگو کرتے ہوئے اعلان کیا تھا کہ اس دوڑ میں امریکا، افغانستان، سوئٹزرلینڈ اور برطانیہ کے سائیکلسٹ شامل ہیں۔

error: Content is protected !!