ہیمشائر نے ہاشم آملہ کی خدمات حاصل کر لیں

لندن(سپورٹس لنک رپورٹ) مشہور انگلش کلب ہیمشائر نے جنوبی افریقن بلے باز ہاشم آملہ کی خدمات حاصل کر لیں، معاہدے کے تحت وہ کاؤنٹی سیزن کے ابتدائی تین ماہ تک بطور غیرملکی کھلاڑی کلب کی نمائندگی کریں گے۔ 34 سالہ پروٹیز بلے باز کی ٹیسٹ میں رنز بنانے کی اوسط 49.08 ہے۔ ہیمشائر ڈائریکٹر آف کرکٹ جائلز وائٹ نے اپنے بیان میں کہا کہ آملہ ورلڈ کلاس کھلاڑی ہیں ان کی شمولیت سے ہماری بیٹنگ لائن اپ مزید مضبوط ہو گئی ہے، امید ہے کہ وہ اپنے انٹرنیشنل تجربے سے بھرپور فائدہ اٹھاتے ہوئے کلب کو فتوحات دلانے میں کردار ادا کریں گے۔