پاکستان ریلوے کا نوجوانوں کیلئے کھیلوں کے بڑے میلے کا اعلان


اسلام آباد(سپورٹس لنک رپورٹ)پاکستان ریلوے نے نوجوانوں کیلئے کھیلوں کے بڑے میلے کا اعلان کردیا ، ملک بھر کی طرح پاکستان ریلوے پشاور ڈویژن نے بھی فخر صوبہ بھر سے مختلف کھیلوں پر مشتمل ٹیموں کی تشکیل دے دی گئیں ہیں جنکے مقابلے شروع ہوگئے ہیں ، بیڈ منٹن ، ہاکی ،فٹ بال ،باکسنگ،کرکٹ ،جوڈو، تائیکوانڈو وغیر ہ سمیت اٹھارہ مختلف کھیل اس میلے میں شامل ہیں جس میں سینکڑوں کھلاڑیوں کو اپنا جوہر دکھانے کے مواقع ملیں گے۔ان خیالات کا اظہار ڈویژنل سپورٹس آفیسر انورسادات مروت نے گذشتہ روز اپنے آفس میں سپورٹس جرنلسٹس وفد سے ملاقات کے دوران کیا ۔انہوں نے کہا ک ملکی سطح پر پاکستان ریلوے نے غیرنصابی سرگرمیوں کے ساتھ ساتھ صحت مندانہ سرگرمیوں کو فروغ دینے کے حوالے سے ملک بھر میں نوجوانوں کیلئے مختلف اقدامات کررہی ہے اور اس سلسلے میں پاکستان ریلوے کے اعلیٰ حکا م کی جانب سے خصوصی ہدایات بھی موصول ہوئی ہے کہ پاکستان ریلوے کو منافع بخش ادارہ بنانے اور کھیلوں کے شعبہ پر خصوصی توجہ رکھنا اہم مشن قراردیا ہے۔جسکے نتیجے میں پاکستان ریلوے نے ملک بھر کے ہر ڈویژن میں کھیلوں کی ترقی اور کھلاڑیوں کا کارکردگی جانچنے کیلئے انٹرا ڈویژن سپورٹس گالاکا اہتمام کیا گیا ہے جسے مکمل ہونے اور ان کھیلوں میں کامیاب ٹیموں کوپاکستان لیول پر پہنچانے کا عمل جاری ہے , انٹرا ڈویژن مقابلوں میں اب تک موصول ہونے والے نتائج کے مطابق بیڈ منٹن ،ٹیبل ٹینس ،سکواش،باکسنگ میں پہلی پوزیشن حاصل کی ہے جبکہ نیٹ بال ، باڈی بلڈنگ میں دوسری پوزیشن حاصل کی ہے۔ایک سوال کے جواب میں انور سادات مروت نے بتایا کہ اس ماہ کے 25تاریخ کو آل پاکستان انٹر ڈویژن چمپئن شپ کا انعقاد کیا جارہاہے جس میں انٹراڈویژن کے مقابلوں میں کامیاب ٹیمیں کے مابین مقابلے ہوں گے ، اور اس میں کامیاب کھلاڑیوں کو لاکھوں روپے کے نقد انعامات کے ساتھ ساتھ ٹرافیاں بھی دی جائیگی،۔انہوں نے بتایاکہ کھیلوں کے اس میلے میں کل 18گیمز شامل کئے گئے ہیں جس میں ملک بھر سے تین ہزار کے قریب کھلاڑی شرکت کریں گے۔انہوں نے کہا کہ کھیلوں میں کرکٹ، جوڈو، تائیکوانڈو، باسکٹ بال ، والی بال، فٹ بال،ہاکی ،نیٹ بال،ریلسنگ ،ویٹ لفٹنگ،سائیکلنگ،شطرنج ، جمناسٹک وغیرہ شامل ہیں،انہوں نے کہا کہ آل پاکستان انٹرڈویژن چیمپئن شپ کیلئے تمام تیاریاں مکمل کرلی گئیں ہیں ۔ ایک سوال کے جواب میں انور سادات مروت نے کہا کہ صرف جمناسٹک مقابلوں میں خواتین کھلاڑیوں کو بھی شامل کیا گیا ہے باقی دیگر کھیلوں میں صرف مرد کھلاڑی حصہ لے گی۔انہوں نے کہا کہ پاکستان ریلوے نے تہیہ کررکھا ہے کہ ملک میں نوجوانوں کو بہتر مستقبل فراہم کرنے کیلئے انہیں صحت مندانہ سرگرمیوں کو راغب کرنا ہے،انہوں نے کہا کہ پاکستان ریلوے کی جانب سے ملک بھر کے ہر ڈویژن کے کھلاڑیوں کوبہترین رہائش ، خوراک اور ڈیلی الاؤنس دی جائیگی۔انکے مطابق ان کھیلوں کا مقصد صرف پاکستان کے غیر معمولی کارکردگی دکھانے والے کھلاڑیوں کو قومی سطح پر پلیٹ فارم مہیا کرنا ہے۔انہوں نے کہا کہ نوجوانوں کی ترقی میں پاکستان ریلوے پیش پیش ہے ،اور توقع کی جارہی ہے کہ کھیلوں کا یہ سلسلہ مستقبل میں جاری رہے گی۔

error: Content is protected !!