انٹرنیشنل بلیئرڈ سنوکر فیڈریشن کی جنرل کونسل کااجلاس،پاکستان کی نمائندگی منور حسین شیخ کرینگے

اسلام آباد (سپورٹس لنک رپورٹ) پاکستان بلیئرڈ اینڈ سنوکر ایسوسی ایشن کے صدر منور حسین شیخ انٹرنیشنل بلیئرڈ سنوکر فیڈریشن (آئی بی ایس ایف )کی جنرل کونسل میں پاکستان کی نمائندگی کریں گے۔اجلاس 25 نومبر کو میانمر میں منعقد ہوگا جس میں پاکستان بلیئرڈ اینڈ سنوکر ایسوسی ایشن کے صدر منور حسین شیخ شرکت کریں گے۔ اجلاس کی صدارت قطر سے تعلق رکھنے والے انٹرنیشنل بلیئرڈ سنوکر فیڈریشن کے صدر مبارک الحیات کریںگے۔ اجلاس میں 55 ممالک کے عہدیداران شرکت کریں گے۔ اجلاس میں سنوکر سے متعلق مختلف امور پرتبادلہ خیال کیا جائیگا۔