خیبر پختونخواوالی بال ایسوسی ایشن کے انتخابات مکمل


پشاور(سپورٹس رپورٹر)خیبر پختونخواوالی بال ایسوسی ایشن کے انتخابات مکمل ہوگئے،ڈی آئی جی پولیس اعجاز احمداور خالدوقارچمکنی دوبارآئندہ چار سال کیلئے صدر وسیکرٹری جنرل منتخب ہوگئے ،اسی طرح کابینہ میں متفقہ طور پر عہدیداروں کا قیام عمل میں لایاگیا۔اس سلسلے میں گزشتہ روزپی ایس بی کوچنگ سینٹر پشاور میں صوبائی والی بال ایسوسی ایشن کے صدراعجاز احمدکی زیر صدارت جنرل باڈی اجلاس منعقد ہوا،جسمیں والی بال فیڈریشن کے نمائندہ ایم ڈی جاوید،صوبائی اولمپک کے امجد خان اور سپورٹس بورڈ کے نمائندہ شاہ فیصل کے علاوہ پشاور،نوشہرہ،مردان،ہری پور،ایبٹ آباد،مانسہرہ،سوات،دیر ،کوہاٹ،بنوں اور ڈی آئی سمیت خیبر پختونخواکے دیگر اضلاع سے بھی عہدیداروں نے شرکت کی۔اجلاس کے دوران صوبے میں والی بال کی ترقی اور نئے ٹیلنٹ کی تلاش کیلئے کابینہ کی کارکردگی کوتسلی بخش قراردیدیا،اور اسکے ساتھ ہی مختلف اضلاع میں والی بال سے متعلق مختلف امور سے بحث کی گئی ہے ۔


صوبائی والی بال ایسوسی ایشن کے صدر ڈی آئی جی پولیس نیکٹا اسلام آباد اعجازاحمد نے کہاہے کہ خیبر پختونخواوالی بال کا گڑھ ہے اور انشاء اللہ نچلی سطح پر ٹیلنٹ کی تلاش کیلئے گراس روٹ لیول پر کام مزید تیز کرتے ہوئے صوبے میں والی بال کی ترقی کیلئے ایک جامعہ پلان تشکیل دینگے جسکے تحت زیادہ سے زیادہ ٹریننگ کیمپ اور ٹورنامنٹس کرائے جائینگے۔ان خیالات کا اظہار انہوں نے گزشتہ روزپی ایس بی کوچنگ سینٹر پشاور میں صوبائی کابینہ کے اجلاس کے دوران خطاب کرتے ہوئے کیا۔اس موقع پر صوبائی والی بال ایسوسی ایشن کے سیکرٹری خالدوقارچمکنی اور ایگزیکٹیوکمیٹی کی رکن ساراخان سمیت دیگر عہدیدار بھی موجودتھے ۔اعجازاحمد نے کہاکہ والی بال ایسوسی ایشن نے اپنے محدودوسائل میں نہ صرف صوبائی بلکہ قومی سطح کے بھی مردوخواتین کے مقابلے منعقد کرائے ہیں جس کی وجہ سے ہمیں بہترین ٹیلنٹ سامنے آناشروع ہوگیاہے،جبکہ اسکے ساتھ ہی ضلعی ایسوسی ایشن کی نگرانی میں دیر جیسے ضلع سمیت کئی دیگر اضلاع میں بھی والی بال کے انٹر کلب مقابلے منعقد کرائے ہیں،انہوں نے کہاکہ انشاء اللہ جلد ہی پشاور میں پاکستان والی بال فیڈریشن کے زیر اہتمام ریفریز کورس کے انعقاد کیساتھ ساتھ پشاور میں جونیئر زکھلاڑیوں کے استعدادکار کو مزید بہتر کرانے کیلئے ٹریننگ کیمپس منعقد کئے جائینگے تاکہ اسی طرح نہ صرف خیبر پختونخوابلکہ خیبر پختونخواکے تمام اضلاع میں اس کھیل کو فروغ دینگے ۔اس موقع سیکرٹری خالدوقار چمکنی نے کہاکہ پاکستان والی بال فیڈریشن کے صدر چوہدری یعقوب اور صوبائی والی بال ایسوسی ایشن کے صدر ڈٖی آئی جی اعجاز احمد کی کاوشوں سے والی بال کے حوالے سے کافی کام کیا جو یقیناًانکی سرپرستی کے بغیر ناممکن تھاا نہوں نے اس عزم کا اظہار کیاکہ انشاء اللہ مستقبل میں پہلے سے زیادہ کام کرینگے

اس موقع متفقہ طور پر آئندہ چار سال کیلئے کابینہ تشکیل دیدی گئی،جسکے مطابق صدر ڈی آئی پولیس اعجاز احمد ،سینئر نائب صدرفقیر محمد اعوان،نائب صدور میں سکندر خان وزیر،خان اختر،نصیر خان،ظہورخان خلیل،شوکت علی،گور ہر رحمن اور رحم بی بی شامل ہیں،جبکہ سیکرٹری جنرل خالد وقارچمکنی،جانئنأ سیکرٹری لائق زمان،ایسوسی ایٹ سیکرٹریز میں منیب اللہ ،عنایت شاہ، فرازخان اوراعظم باچا ہیں اورفنانس سیکرٹری بختیار عالم فنانس جبکہ ایگزیکٹیوکمیٹی میں ملک ساجد،ملک ظاہر،محمد اقبال،باور خان،اختر،انورخان،رضامحمد،رضاء اللہ،سمیراسلون،اسماعیل شاہ،محشن کمال اور ساراخانشامل ہیں

ریفریز کمیٹی میں خالد وقار چیئرمین،واجد کمال،ہدایت اللہ اور انور خان،اسی طرح کوچز کمیٹی کے چیئرمین خالد وقار جبکہ اراکین میں حبیب اللہ ،بشیر احمد،گل باز اور واصف اللہ شامل ہیں،سلیکشن کمیٹی میں بختیار عالم،لائق زمان،ظہور خان خلیل،سجاد خان خلیل،نیازخان اور روشن خان قابل ذکرہیں۔

error: Content is protected !!