پاکستان اولمپک ایسوسی ایشن کا فہمیدہ مرزا کو سیف گیمز بارے خط، کس تشویش کا اظہار کیا گیا؟

اسلام آباد (نواز گوھر) سیف گیمز کی تیاریوں کیلئے پاکستان اولمپک ایسوسی ایشن کے صدرلیفٹیننٹ جنرل(ر)سید عارف حسن نے وفاقی وزیر ڈاکٹر فہمیدہ مرزا کے نام خط میں سیف گیمز کے تربیتی کیمپس نہ لگانے پر تشویش کا اظہار کیا ہے خط کے متن میں شامل ہے کہ حکومت سیف گیمز سے متعلق سنجیدگی سے فیصلے کرواے تربیتی کیمپس نہ لگائے گئے تو سیف گیمز میں میڈلز کیسے جیتیں گئے ڈاکٹر فہمیدہ مرزا کو ارسال خط میں تشویش کا اظہار کیا گیا ہے کہ ٹرئینگ کیمپس نہ لگنے کے سبب پاکستانی اتھلیٹس سیف گیمز میں اچھی کارکردگی نہیں دکھا پائیں گے
سیف گیمز کے حوالے سے ہنگامی اقدامات نہ اٹھائے گئے تو گیمز کے نتائج شرمناک ہو سکتے ہیں،سیف گیمز کیلئے پاکستانی دستے کی شرکت اور فنڈز کی فراہمی پر بھی حکومت کوئی فیصلہ نہیں کر سکی ہے اور اسپورٹس فیڈریشنز بھی حکومتی گرانٹس نہ ملنے کے باعث مایوسی کا شکار ہیں۔
یاد رہے کہ 13 ویں ساؤتھ ایشین گیمز رواں سال دسمبر میں نیپال میں منعقد ہوں گی۔ ذرائع کا کہنا ہے کہ پاکستان اسپورٹس بورڈ نے بھی سیف گیمز کی تیاریوں کے معاملے پر خاموشی اختیار کرلی ہے