پہلی ڈپٹی کمشنر راولپنڈی نیشنل جونیئر سکواش چیمپئن شپ سیمی فائنل مرحلے میں داخل

راولپنڈی(سپورٹس لنک رپورٹ)پہلی ڈپٹی کمشنرراولپنڈی نیشنل جونیئرسکواش چیمپیئن شپ سیمی فائنل مرحلے میں داخل ہوگئی۔ بینظیربھٹوسکواش کمپلیکس لیاقت باغ راولپنڈی میں جاری چیمپیئن شپ کے کوارٹرفائنل مقابلے گزشتہ روزہوئے ۔ آرگنائزنگ سیکرٹری چوہدری نعیم انور کے مطابق انڈر 19کیٹگری میں حسن رضا نے جنیدخان، نوید نے عون عباس کو 3-1، ذیشان زیب نے عبدالواجد کو 3-0اور عزیرشوکت نے شہزادخان کو 3-0سے شکست دے کر سیمی فائنل میں رسائی حاصل کرلی۔ انڈر17کیٹگری میں اسداللہ نے خاقان ملک کو 3-0، خوشحال ریاض نے ولیدخلیل کو 3-0، عباس نواز نے حذیفہ شاہد(کے پی کے) کو3-0اورحمادخان نے علی شیر کو 3-0کو ہرا کر سیمی فائنل میں پہنچ گئے۔ انڈر11کیٹگری میں حذیفہ شاہد(سندھ) نے عبداللہ کو3-2، عبیداللہ نے سیف زمان کو 3-0، ابراہیم نے ایم زمان کو 3-0اور عثمان نے اذان علی کو 3-1کو شکست دیکر سیمی فائنل کیلئے کوالیفائی کیا۔ ٹورنامنٹ کے فائنل کل کھیلے جائیں گے۔