بہت زیادہ ُپرجوش اور خوش ہوں ، کرکٹ کو پہلے سے بھی زیادہ انجوائے کررہا ہوں ؛ صائم ایوب
پاکستان سپر لیگ (پی ایس ایل) سیزن 10 کیلئے آج لاہور میں میدان سجے گا،
ایونٹ میں آج بھی ایک میچ کھیلا جائے گا۔
ایچ بی ایل پی ایس ایل ایکس کا 14ویں میچ آج لاہور قلندرز اور پشاور زلمی کے درمیان قذافی سٹیڈیم میں کھیلا جائے گا۔
آج کا میچ اس ایچ بی ایل پی ایس ایل کا لاہور میں پہلا میچ یے۔ میچ رات آٹھ بجے شروع ہوگا۔
میچ سے قبل پشاور زلمی کے صائم ایوب کا کہنا تھا کہ کافی وقت کے بعد دوبارہ کھیلتے ہوئے بہت زیادہ ُپرجوش اور خوش ہوں اور اپنی کرکٹ کو پہلے سے بھی زیادہ انجوائے کررہا ہوں۔
پاکستان کرکٹ بورڈ نے میرے علاج اور ری ہیب میں بہت مدد دی۔ جتنا عرصہ کرکٹ سے دور رہا اور علاج اور ری ہیب ہوا اس تمام عرصے میں میں نے کوئی بھی منفی بات نہیں سوچی ، ہمیشہ مثبت رہا۔
جو انجری ہوئی اس کے بارے میں کبھی یہ نہیں سوچا کہ یہ کیوں ہوئی ہے؟۔ بلکہ اس نے میری مینٹل ہیلتھ کو مزید مضبوط کیا۔
قذافی سٹیڈیم نئے روپ میں سامنے ہے اس نئے سٹیڈیم میں پہلی بار کھیلنے کے لیے بہت زیادہ خوش اور ُپرجوش ہوں۔یہاں کراؤڈ بھی بہت ہوتا ہے تو کھیلنے میں مزا آئے گا.
