کینیڈا لیگ میں پاکستان کے 3 کرکٹرز شرکت کیلیے تیار
کینیڈا سپر 60 لیگ میں پاکستان کے 3 کرکٹرز شرکت کے لیے تیار ہیں اور جلد ایکشن میں نظر آئیں گے۔
ایونٹ 8 سے 13 اکتوبر تک منعقد ہوگا جس کے لیے فرنچائز ٹیموں کو حتمی شکل بھی دے دی گئی۔ پاکستان کے تجربہ کار اسپنر سعید اجمل، آل راؤنڈر شعیب ملک اور خواجہ نافع ایونٹ میں شریک ہوں گے۔
ماسٹرز میسی سوگا کی نمائندگی سعید اجمل کریں گے جبکہ خواجہ نافع اور شعیب ملک واریئرز وائٹ روک کی جانب سے ایکشن میں نظر آئیں گے۔
کینیڈا میں پہلی بار انڈور اسٹیڈیم میں عالمی کرکٹ کے میچز منعقد ہوں گے۔
سکسرز ٹورنٹو نے انگلینڈ کے الیکس ہیلز اور افغانستان کے رحمان اللہ گرباز کی خدمات حاصل کی ہیں جبکہ بلٹز برامپٹن نے پیوش چاؤلہ، ڈیوڈ ویزا، مارٹن گپٹل اور کوئنٹن ڈی کاک کا انتخاب کیا ہے۔
