خیبر پختونخواہ حکومت چین کے ساتھ کھیلوں کے تعلقات استوار کرنے میں سنجیدہ ہے، تاج محمد ترند

خیبر پختونخواہ کی حکومت چین کے ساتھ کھیلوں کے تعلقات استوار کرنے میں سنجیدہ ہے، تاج محمد ترند

پشاور( سپورٹس لنک رپورٹ) وزیر اعلیٰ کے مشیر برائے کھیل و امور نوجوانان تاج محمد ترند نے کہا ہے کہ خیبر پختون خوا کی حکومت چین کے ساتھ کھیلوں کے تعلقات استوار کرنے میں سنجیدہ ہے اس سلسلہ میں پہلے مرحلہ میں مقامی ٹیموں کے تبادلوں سے کھلاڑیوں کو کھیلنے کا بین الاقوامی تجربہ فراہم کیا جا سکتا ہے

وہ یہاں چینی ثقافتی مرکز چائنہ ونڈو کے دورہ کے موقع پر میڈیا سے گفت گو کر رہے تھے۔تاج محمد ترند نے چائنہ ونڈو کی مختلف گیلریااں دیکھیں،م فرینڈشپ وال پر دست خط کئے اور مہمانوں کی کتاب میں اپنے تاثرات درج کئے۔

ان کا کہنا تھا کہ پاک چین تعلقات کی مثالیں دنیا بھر میں دی جاتی ہیں اور چین نے جس طرح ترقی کی ہے اس سے ہمیں بھی سیکھنے کی ضرورت ہے۔ تاج محمد ترند کا کہنا تھا کہ سی پیک پاکستان اور خاص طور پر خیبر پختون خوا کی معاشی ترقی کا منصوبہ ہے

سی پیک کی شاہراہ سے جہاں مختلف شہروں کے فاصلے کم ہوئے ہیں وہیں وقت کی بچت بھی ہو رہی ہے اور انہیں امید ہے کہ ہزارہ موٹر وے کا مانسہرہ سے تھاکوٹ تک 80 کلومیٹر حصہ مکمل ہو چکا ہے جبکہ حکومت نے تھاکوٹ سے رائیکوٹ سیکشن کی منظوری دے دی ہے جو ایک نیا راستہ ہو گا۔

اس کی تعمیر کے بعد ہزارہ موٹر وے سے منسلک اہم روٹ بنے گا جو شمالی علاقہ جات (جیسے گلگت-بلتستان) کی طرف رابطہ فراہم کرے گا۔

تاج محمد ترند نے کہا کہ ہمیں چین سے ٹرانسفارمیشن آف ٹیکنالوجی کے ذریعہ اپنے اہداف حاصل کرنے کی ضرورت ہے۔ انہوں نے چین کی یونی ورسٹیون میں پاکستان طلباءکو اسکالرشپ دینے کے اقدام کی بھی تعریف کی۔

وزیر اعلیٰ کے مشیر برائے کھیل و امور نوجوانان تاج محمد ترند کا کہنا تھا کہ پشاور م یں پاک چین دوستی مرکز چائنہ ونڈو کا قیام لائق ستائش ہے اس سے پشاور اور خیبر پختون خوا کے شہریوں کو اپنے دیرینہ دوست کے بارے میں مزید جاننے کا موقع ملے گا۔ انہون نے یقین ظاہر کیا کہ مستقبل میں پاکستان اور چین کے درمیان تعلقات مزید وسیع ہوں گے۔