پشاور ; ضم اضلاع انٹر ڈسٹرکٹ گیمز کا پہلا مرحلہ 28 نومبر سے شروع ہوگا، رضی اﷲ
ضم اضلاع انٹر ڈسٹرکٹ گیمز کا پہلا مرحلہ 28 نومبر سے شروع ہوگا، رضی اﷲ
پشاور (سپورٹس لنک رپورٹ) ڈائریکٹوریٹ سپورٹس ضم اضلاع کے زیر اہتمام انٹر ڈسٹرکٹ انڈر 16 گیمز کا پہلا مرحلہ 28نومبر سے شروع ہوگا جو 4 دسمبر تک جاری رہے گا۔
ان خیالات کا اظہار ڈائریکٹر سپورٹس ضم اضلاع رضی اللہ بیٹنی نے میڈیا سے گفتگو کرتے ہوئے کیا انہوں نے کہا کہ پی ٹی آئی چیئر مین عمران خان کے ویژن کے مطابق وزیر اعلیٰ خیبرپختونخوا سہیل آفریدی کی خصوصی ہدایت پر مشیر کھیل وامور نوجوانان تاج محمد ترند ، سیکرٹری سپورٹس سعادت حسن ، ڈی جی سپورٹس تاشفین حیدر کی سربراہی میں انٹر ڈسٹرکٹ انڈر16 گیمز کا انعقاد کیا جارہا ہے
جس کا تھیم ”قبائلی علاقوں سے کھیلوں کے میدان تک“ رکھا گیا ہے ۔پہلے مرحلے کیلئے شیڈول کا اعلان کردیاگیا ہے جس کے مطابق باجوڑ اور مہمند میں کرکٹ، فٹ بال، والی بال، ہاکی اور باسکٹ بال کے مقابلے 3 دسمبر خیبر میں 28 نومبر، اورکزئی میں 29 نومبر، کرم میں 4 دسمبر ، شمالی وزیرستان میں یکم دسمبر اور جنوبی وزیرستان اپر میں 2 دسمبر کو کھیلے جائیں گے
جن میں سات اضلاع اور 18 سب ڈویڑنوں کے 1368 کھلاڑی حصہ لیں گے۔ دوسرا مرحلہ دسمبر کے تیسرے ہفتے میں شروع ہوگا جس میں کرکٹ، فٹ بال، ہاکی، والی بال اور باسکٹ بال میں ا?ٹھ اضلاع اور 6 ایف آر سب ڈویڑنوں کی ٹیمیں حصہ لیں گی،
فائنل راﺅنڈ میں ایونٹ کی فاتح ٹیموں کو ایک لاکھ روپے اور رنرز اپ ٹیموں کو 70 ہزار روپے انعامات دیئے جائیں گے۔ والی بال اور باسکٹ بال ایونٹس کی فاتح ٹیموں کو 70 ہزار اور رنرز اپ ٹیموں کو 50 ہزار روپے انعامات دیئے جائیں گے۔
ڈائریکٹر سپورٹس نے کہا کہ مانیٹرنگ کے لئے کمیٹیاں تشکیل دی گئی ہیں مہمند اور باجوڑ میں ڈپٹی ڈائریکٹر امیرزاہد شاہ، اسسٹنٹ ڈائریکٹر عرفان اللہ اور متعلقہ اضلاع کے ڈسٹرکٹ سپورٹس افسران، خیبر،
اورکزئی اور کرم میں ڈپٹی ڈائریکٹر ذاکر خان، اسسٹنٹ ڈائریکٹر قیصر منیر اور ڈسٹرکٹ سپورٹس افسران جبکہ شمالی وزیرستان، جنوبی وزیرستان لوئر اور جنوبی وزیرستان اپر میں اسسٹنٹ ڈائریکٹر راحد گل،
بجٹ آفیسر محمد شفیق اور ان اضلاع کے ڈسٹرکٹ سپورٹس افسران پر مشتمل کمیٹیاں مانیٹرنگ کریں گی۔انہوں نے کہا کہ کھلاڑیوں کو سامان اور ریفریشمنٹ کے اخراجات فراہم کئے جائیں گے۔
