راولپنڈی ; دفاع پاکستان کی تقریبات کے سلسلے میں بیڈمنٹن چمپئن شپ کا انعقاد

دفاع پاکستان کی تقریبات کے سلسلے میں بیڈمنٹن چمپئن شپ کا انعقاد

راولپنڈی ڈسٹرکٹ سپورٹس ڈیپارٹمنٹ اور مطاہر بیڈ منٹن اکیڈمی کے زیر اہتمام شہباز شریف سپورٹس کمپلیکس میں یوم دفاع پاکستان کی تقریبات کے سلسلے میں چمپئن شپ کا انعقاد کیا گیا۔

چیمپئن شپ میں راولپنڈی سے تعلق رکھنے والے بیڈ منٹن کے کھلاڑیوں کی بڑی تعداد نے حصہ لیا۔ نوجوان کھلاڑیوں کے درمیان دلچسپ اور سنسنی خیز مقابلے ہوئے۔

گرلز ڈبل میں ردااور مدیحہ کی جوڑی کا سارہ اور عالیہ سے فائنل میچ ہوا جو کہ ایک سخت مقابلے کے بعد ردا اور مدیحہ نے فائنل جیت لیا۔

بوائز انڈر 12 میں زوالنورین فاتح جبکہ سید روحان رنرز اپ رہے۔ مینز ڈبل کا مقابلہ افنان اور فہد نے جیتا جبکہ قاسم اور یاور رنرز اپ رہے۔مینز سنگل کا مقابلہ احتشام نے جیتا اور فیض منج رنرز اپ رہے

چیمپئن شپ کے اختتام پر لاہور سے آئی ہوئی ڈائریکٹر سپورٹس پنجاب یاسمین اختر ڈسٹرکٹ سپورٹس آفیسر شمس توحید عباسی اور مطاہر سہیل نے کھلاڑیوں میں ان کی حوصلہ افزائی کے لئے کیش انعامات کیساتھ ساتھ میڈلز اور سرٹیفکیٹ بھی تقسیم کئے۔