پی ایس ایل x : کوئٹہ گلیڈی ایٹرز نے پشاور زلمی کو 64 رنز سے شکست دیدی
179 رنز کے ہدف کے تعاقب میں پشاور زلمی کی پوری ٹیم 15.2 اوور زمیں 114 رنز بناکر آؤٹ ہوگئی،
پی ایس ایل x : کوئٹہ گلیڈی ایٹرز نے پشاور زلمی کو 64 رنز سے شکست دیدی
پاکستان سپر لیگ سیزن 10 کے 17 ویں میچ میں کوئٹہ گلیڈی ایٹرز نے پشاور زلمی کو 64 رنز سے شکست دیدی۔
کوئٹہ گلیڈی ایٹرز کی جانب سے 179 رنز کے ہدف کے تعاقب میں پشاور زلمی کی پوری ٹیم 15.2 اوور زمیں 114 رنز بناکر آؤٹ ہوگئی، حسین طلعت 39 رنز کیساتھ نمایاں رہے۔
پشاور زلمی کی جانب سے اننگز کا آغاز صائم ایوب اور کپتان بابر اعظم نے کیا جو فائدہ مند ثابت نہ ہوسکا، صائم ایوب 5 رنز اور بابر اعظم 12 رنز بناکر پویلین لوٹ گئے۔
دیگر کھلاڑیوں میں ٹام کوہلر کیڈمور 5، محمد حارث 17 ، حسین طلعت39 ، مچل اون 15، عبدالصمد 2، لک وڈ 8، سفیان مقیم 4 رنز اور الرازی جوزف بغیر کوئی رن بنائے آؤٹ ہوگئے۔
کوئٹہ گلیڈی ایٹرز کی جانب سے فہیم اشرف نے 5، خرم شہزاد نے 2 جبکہ محمد عامر، محمد وسیم اور ابرار احمد نے ایک ایک وکٹ حاصل کی۔
قبل ازیں قذافی سٹیڈیم لاہور میں ہونیوالے میچ میں پشاور زلمی نے ٹاس جیت کر کوئٹہ گلیڈی ایٹرز کو بیٹنگ کی دعوت دی، پہلے بیٹنگ کرتے ہوئے کوئٹہ گلیڈی ایٹرز نے مقررہ 20 اوورز میں 7 وکٹوں کے نقصان پر 178 رنز بنائے۔
کوئٹہ گلیڈی ایٹرز کی جانب سے اننگز کا آغاز کپتان سعود شکیل اور فن ایلن نے کیا تاہم 46 کے مجموعی سکور پر فن ایلن 31 رنز بناکر آؤٹ ہوگئے ، ریلی روسو 27 ، سعود شکیل اور کوشال مینڈاس 32، 32 ، مارک چیمین 33 رنز ، فہیم اشرف ایک اور حسن نواز 8 رنز بناکر آؤٹ ہوگئے
پشاور زلمی کی جانب سے الرازی جوزف نے 3 ، صائم ایوب نے 2 جبکہ لک وڈ نے ایک وکٹ حاصل کی۔
یاد رہے کہ پی ایس ایل کے رواں سیزن میں اسلام آباد یونائیٹڈ اب تک پانچ میچوں میں فتح حاصل کرکے 10 پوائنٹس کے ساتھ سب سے آگے ہے جبکہ لاہور قلندرز اور کراچی کنگز چھ، چھ پوائنٹس کے ساتھ دوسرے اور تیسرے نمبر پر ہیں۔
پشاور زلمی اور کوئٹہ گلیڈی ایٹرز چار، چار پوائنٹس کے ساتھ چوتھے اور پانچویں نمبر پر ہیں جبکہ ملتان سلطانز دو پوائنٹس کے ساتھ آخری پوزیشن پر ہے۔
پشاور زلمی کی ٹیم ; اس میچ میں بابر اعظم (کپتان) صائم ایوب، محمد حارث (وکٹ کیپر)، ٹام کوہلر کیڈمور، حسین طلعت، مچ اوون، عبدالصمد، لوک ووڈ، الزاری جوزف، سفیان مقیم اور علی رضا پشاور زلمی کی ٹیم میں شامل تھے۔
کوئٹہ گلیڈی ایٹرز کا سکواڈ ; اس میچ میں سعود شکیل (کپتان)، ابرار احمد، حسن نواز، کوشل مینڈس (وکٹ کیپر)، مارک چیپمن، رائلی روسو، محمد عامر، محمد وسیم جونیئر، فہیم اشرف، خرم شہزاد اور فن ایلن کوئٹہ گلیڈی ایٹرز کا حصہ تھے۔
