شاہد خان آفریدی کا لائن آف کنٹرول کا دورہ
پاکستان کرکٹ ٹیم کے سابق کپتان شاہد آفریدی نے عوام اور پاک فوج سے یکجہتی کے اظہار کے لیے لائن آف کنٹرول (ایل او سی) کا دورہ کیا۔
وادی لیپہ پہنچنے پر شاہد آفریدی کا پرتپاک استقبال کیا گیا۔ انہوں نے یادگارِ شہداء پر حاضری دی، لیپہ کرکٹ گراؤنڈ میں نوجوانوں سے ملاقات کی اور انہیں دستخط شدہ بیٹ اور بال بطور تحفہ پیش کیے۔
میڈیا سے گفتگو کرتے ہوئے شاہد آفریدی کا کہنا تھا کہ وہ کراچی سے پاکستانی عوام اور اپنی فیملی کی طرف سے لیپہ کے عوام کا شکریہ ادا کرنے آئے ہیں۔ انہوں نے واضح کیا کہ اگر بھارت نے دوبارہ کسی جارحیت کی کوشش کی تو اس کا بھرپور جواب دیا جائے گا۔
شاہد آفریدی نے معرکہ حق کے متاثرین سے بھی ملاقات کی اور انہیں امدادی چیکس فراہم کیے۔ اس موقع پر وادی لیپہ کے عوام نے انہیں اخروٹ کی لکڑی سے تیار کردہ ایک خوبصورت شاہین بطور تحفہ پیش کیا۔
