پاکستان نے دوسرے میچ میں بنگلہ دیش کو شکست دیکر ٹی ٹوئنٹی سیریز جیت لی

پاکستان نے دوسرے میچ میں بنگلہ دیش کو شکست دیکر ٹی ٹوئنٹی سیریز جیت لی ۔

تین میچوں پر مشتمل ٹی 20 سیریز کے دوسرے میچ میں پاکستان نے بنگلہ دیش کو 57 رنز سے ہرا دیا ہے

قذافی سٹیڈیم لاہور میں ہونیوالے ٹی 20 سیریز کے دوسرے میچ میں قومی کرکٹ ٹیم کے کپتان سلمان علی آغا نے مہمان ٹیم کیخلاف ٹاس جیت کر پہلے بیٹنگ کو ترجیح دی۔

پہلے بیٹنگ کرتے ہوئے قومی ٹیم نے مقررہ 20 اوورز میں 6 وکٹوں کے نقصان پر 201 رنز بنائے

لاہور میں کھیلے گئے میچ میں 201 رنز ہدف کے تعاقب میں بنگلادیش کی ٹیم 19 اوورز میں 144 رنز بنا سکی۔بنگلادیش کی جانب سے تنظیم حسن ثاقب 50 رنز بنا کا نمایاں رہے۔

تنزید حسن 33، مہدی حسن میراز 23، پرویز حسین ایمان 8، شمیم حسین 7، کپتان لٹن داس 6، توحید ہردوئی 5، رشاد حسین 1 اور جاکر علی 0 کے اسکور پر آؤٹ ہوئے۔

حسن محمود 8 رنز کے ساتھ ناٹ آؤٹ پویلین لوٹے جبکہ شریف الاسلام انجری کے باعث بیٹنگ کرنے نہیں آسکے۔

پاکستان کی جانب سے ابرار احمد نے 3، جبکہ فہیم اشرف، شاداب خان، صائم ایوب، خوشدل شاہ، حسن علی اور حارث رؤف نے 1، 1 کھلاڑی کو آؤٹ کیا۔

اس سے قبل پاکستان نے ٹاس جیت کر پہلے بیٹنگ کرتے ہوئے مقررہ اوورز میں 6 وکٹوں کے نقصان پر 201 رنز اسکور کیے۔

صاحبزادہ فرحان 74 رنز بنا کر نمایاں رہے جبکہ حسن نواز نے 51 رنز کی ناٹ آؤٹ دھواں دار باری کھیلی۔

محمد حارث 41، کپتان سلمان آغا 19، شاداب خان 7، صائم ایوب 4 اور فہیم اشرف 1 رن کے انفرادی اسکور پر آؤٹ ہوئے۔

بنگلادیش کی جانب سے تنظیم حسن ثاقب اور حسن محمود نے 2، 2 جبکہ رشاد حسین نے 1 وکٹ حاصل کی۔

پاکستان کی پلیئنگ الیون ; سلمان علی آغا (کپتان)، حسن نواز، صاحبزادہ فرحان، صائم ایوب، محمد حارث (وکٹ کیپر)، شاداب خان، خوشدل شاہ، فہیم اشرف، حسن علی، حارث رؤف اور ابرار احمد پاکستان کی پلیئنگ الیون میں شامل ہیں۔

بنگلہ دیش کی پلیئنگ الیون ; لٹن داس (کپتان)، تنزید حسن، توحید ہردوئی، جاکرعلی انیک (وکٹ کیپر)، شمیم حسین، مہدی حسن، رشاد حسین، تنظیم حسن شاقب، حسن محمود اور شریف الاسلام بنگلہ دیش کی پلیئنگ الیون کا حصہ ہیں۔