اے بی ایس ڈویلپرز نیشنل ٹی ٹوئنٹی کپ کے ساتویں روز فیصل آباد اور بہاولپور نے کامیابی سمیٹی
پشاور ; گروپ اے میں کھیلے گئے پہلے میچ میں فیصل آباد نے پشاور کو 15 رنز سے شکست دی فیصل آباد نے اپنے چار گروپ میچز مکمل کر لیے، دو فتوحات کے ساتھ پوائنٹس ٹیبل پر تیسرا نمبر
ہر گروپ کی ٹاپ دو ٹیمیں سیمی فائنل کے لیے کوالیفائی کریں گی میچ کے آغاز میں پشاور نے فیصل آباد کو ٹاس جیت کر پہلے بیٹنگ کی دعوت دی
فیصل آباد کی جانب سے اوپننگ بلے باز عتیق الرحمن نے لگاتار دوسری نصف سنچری بنا ڈالی عتیق الرحمن نے 44 گیندوں کا سامنا کرتے ہوئے 10 چوکوں کی مدد سے 72 رنز بنائے
کپتان محمد عرفان خان نے دو چھکوں اور ایک چوکے کی مدد سے 23 گیندوں پر 32 جبکہ مبصر خان نے دو چھکوں اور دو چوکوں کی مدد سے 21 گیندوں پر 27 رنز بنائے
فیصل آباد نے مقررہ 20 اوورز میں نو وکٹوں کے نقصان پر 170 رنز سکور کیے
پشاور کی جانب سے محمد نواز اور عثمان طارق کی دو دو وکٹیں، اسرار اللہ، محمد شعیب اور احسان اللہ کی ایک ایک وکٹ
جواب میں پشاور کے پہلے چار بلے باز 32 کے مجموعی سکور پر پویلین لوٹ گئے
اسرار اللہ کے 47، نبی گل کے 43 اور محمد عمران جونیئر کے ناقابل شکست 18 رنز کے باوجود پشاور ہدف کا کامیاب تعاقب کرنے میں ناکام رہا
فیصل آباد کی جانب سے فاسٹ بائولر آفاق آفریدی کی 38 رنز کے عوض تین اعشاریہ پانچ اوورز میں چار وکٹیں
شہزاد گل نے اپنے چار اوورز میں 21 رنز دے کر تین کھلاڑیوں کو آؤٹ کیا
دوسرے میچ میں بہاولپور نے لاہور وائٹس کو چار وکٹوں سے شکست دے کر ٹورنامنٹ میں پہلی کامیابی حاصل کی لاہور وائٹس نے پہلے بیٹنگ کرتے ہوئے مقررہ بیس اوورز میں پانچ وکٹوں کے نقصان پر 196 رنز بنائے
اوپننگ بلے باز محمد فائق نے 42 گیندوں کا سامنا کرتے ہوئے پانچ چوکوں اور تین چھکوں کی مدد سے 63 رنز کے ساتھ ٹاپ سکور کیا
طیب طاہر نے 34 گیندوں پر سات چوکے لگا کر 46 رنز بنائے، جبکہ فرحان یوسف نے 18 گیندوں پر چار چوکے اور ایک چھکا رسید کرتے ہوئے برق رفتاری سے 39 رنز بنائے
محمد محسن 16 گیندوں پر تین چوکے اور دو چھکے لگا کر 32 رنز پر ناقابل شکست رہے
بہاولپور کی جانب سے محمد سرور آفریدی کی دو جبکہ محمد باسط اور کپتان محمد عمران کی ایک ایک وکٹ
جواب میں پلیئر آف دی میچ حیدر علی اور بائیں ہاتھ کے بلے باز سعد خان کی نصف سنچریوں کی مدد سے بہاولپور نے ہدف 19 اعشاریہ چار اوورز میں حاصل کر لیا
سعد خان نے 30 گیندوں کا سامنا کرتے ہوئے سات چوکے اور چار چھکے لگائے جبکہ حیدر علی 43 گیندوں پر پانچ چوکے اور چار چھکے لگا کر ناقابل شکست رہے
دونوں بلے بازوں کا مجموعی سکور 65 تھا، جبکہ اوپننگ بلے باز محمد فیضان ظفر نے 28 رنز کی اننگز کھیلی
ٹورنامنٹ میں ہفتے کے روز سیالکوٹ کا مقابلہ ایبٹ آباد اور لاہور بلوز کا سامنا کراچی بلوز سے ہوگا
