نیوزی لینڈ کرکٹ ٹیم کے سابق کپتان ڈنئیل ویٹوری دورہ پاکستان کے لیے آسٹریلیا کی وائٹ بال کوچنگ ٹیم کا حصہ بن گئے۔ڈنئیل ویٹوری نے میلبرن میں بطور کنسلٹنٹ وائٹ بال ٹیم کے کیمپ کو جوائن کرلیا ہے۔کرکٹ آسٹریلیا کے مطابق ویٹوری 24 مارچ کو وائٹ بال اسکواڈ کے ساتھ لاہور پہنچ رہے ہیں۔دوسری جانب آسٹریلوی فاسٹ بولر کین رچرڈسن دورہ پاکستان سے باہر ہوگئے ہیں۔کرکٹ آسٹریلیا کا کہنا ہے کہ کین رچرڈسن انجری کے باعث دورے سے باہر ہوئے ہیں، وائٹ بال اسکواڈ میں بین ڈارشیوس کو ان کے متبادل کے طور پر شامل کر لیا گیا ہے۔