آسڑیلیا اور انگلینڈ کے درمیان جاری تین ون ڈے میچوں کی سیریز کے دوسرے ون ڈے میچ میں بھی میزبان آسڑیلیانے انگلینڈ کی ٹیم کو 72 رنز کے فرق سے شکست دیکر سیریز میں دو صفر کی ناقابل شکست برتری حاصل کرلی ہے، تفصیلات کے مطابق سڈنی میں کھیلے گئے میچ میں آسڑیلیا نے ٹاس جیت کر پہلے خود بیٹنگ کرنے کا فیصلہ کیا اور مقررہ پچاس اوورز میں آٹھ وکٹوں کے نقصان پر 280 رنز بنائے، سٹیون سمتھ 94 ، مارنس لبوشین 58 اور مچل مارش 50 رنز کے ساتھ نمایاں رہے، انگلینڈ کی جانب سے عادل رشید نے تین، کرس ووکس اور ڈیوڈ ویلی نے دو دو جبکہ معین علی نے ایک وکٹ حاصل کی
جواب میں انگلینڈ کی ٹیم 38.5 اوورز میں 208 رنز بنانے کے بعد پویلین لوٹ گئی اور میچ 72 رنز کے فرق سے ہار گئی، انگلینڈ کی جانب سے سام بلینگز 71، جیمز وینس 60 رنز کے ساتھ نمایاں رہے آسڑیلیا کی جانب سے مچل سٹارک اور ایڈم زمپا نے چار چار جبکہ جوش ہیزل ووڈ نے دو وکٹیں حاصل کیں۔ مچل سٹارک کو پلیئر آف دی میچ قرار دیا گیا۔