یونیورسٹی آف سینٹرل پنجاب نے ایتھلیٹکس چیمپئن شپ اپنے نام کرلی
‘پشاور کے صاحبزادہ کاشف کا ڈسکس تھرو میں نیا ریکارڈ
یونیورسٹی آف سینٹرل پنجاب نے ایتھلیٹکس چیمپئن شپ اپنے نام کرلی
‘پشاور کے صاحبزادہ کاشف کا ڈسکس تھرو میں نیا ریکارڈ
پشاور(سپورٹس لنک رپورٹ) پشاور یونیورسٹی کے زیر اہتمام اور ایچ ای سی کے اشتراک سے ہونیوالی پشاور یونیورسٹی گراﺅنڈ پر آل پاکستان انٹر یونیورسٹیز اتھلیٹکس چیمپئن شپ یونیورسٹی آف سینٹرل پنجاب نے 314 پوائنٹس کیساتھ جیت لی ‘
یونیورسٹی آف پنجاب 260 پوائنٹس کیساتھ دوسرے اور سپیرئیر یونیورسٹی لاہور 52 پوائنٹس کیساتھ تیسرے نمبر پر رہی‘مقابلوں میں ملک بھر سے ستائیس یونیورسٹی کے 250 سے زائد کھلاڑیوں نے شرکت کی‘
اختتامی تقریب کے موقع پر چیف آرگنائزر اورڈائریکٹر سپورٹس بحرکرم مہمان خصوصی تھے جنہوں نے کھلاڑیوں میں ٹرافیاں اور نقد انعامات تقسیم کئے ان کے ہمراہ ارشد ستار ‘سجاد احمد‘یحییٰ خان‘مختلف یونیورسٹیوں کے ڈائریکٹر سپورٹس‘ڈی پی ایز اور دیگر آفیشلز موجود تھے‘
گزشتہ روزدو فائنل ایونٹس ہوئے جس میں پانچ ہزار میٹر ریس میں پنجاب یونیورسٹی کے اسامہ حسن نے پہلی‘یونیورسٹی آف سینٹرل پنجاب کے محمد شاہد نے دوسری جبکہ یونیورسٹی آف پنجاب کے سمیع اللہ نے تیسری پوزیشن حاصل کی‘
چار ضرب چارسو میٹر ریلے ریس کے فائنل میں یونیورسٹی آف سینٹرل پنجاب نے پہلی‘پنجاب یونیورسٹی لاہور نے دوسر ی اور یونیورسٹی آف لاہور نے تیسری پوزیشن حاصل کی‘
پشاور یونیو رسٹی کے صاحبزادہ کاشف نے ان مقابلوں میں ڈسکس تھرو میں 15.66 میٹر کیساتھ نیا ریکارڈ قائم کیا اس سے قبل ریکارڈ 14.90 میٹر کا تھا‘صاحبزادہ کاشف کو بہترین کامیابی پر وائس چانسلر پروفیسر ڈاکٹر جوہرعلی‘ڈائریکٹر سپورٹس بحرکرم اور دیگر سپورٹس کے حلقوں نے بڑی کامیابی پر مبارکباد دی
اور امید ظاہر کی کہ وہ انٹرنیشنل لیول پر ملک و قوم کا نام پوری دنیا میں روشن کریں گے۔100 میٹر دوڑ فائنل میں یو سی پی کے عبداللہ بلوچ نے پہلی‘ واجد علی نے دوسری اور یونیورسٹی آف پنجاب کے عالم علی شیر نے تیسری پوزیشن حاصل کی۔
دو سو میٹر دوڑ میں یو سی پی کے فواد خان پہلے‘ پنجاب یونیورسٹی کے علی رضا دوسرے اور ابوبکر تیسرے نمبر پر رہے۔ 1500 میٹر دوڑ میں پنجاب یونیورسٹی کے سمیع اللہ اول‘ عبداللہ وہاب دوئم اور اسامہ حسن سوئم رہے۔
تین سو میٹر دوڑ میں اسام حسن اول‘ سمیع اللہ دوئم اور محمد خبیب سوئم رہے۔ 110میٹر رکاﺅٹوں کی دوڑ میں ابوبکر نے پہلی‘ ثاقب نے دوسری اور حمزہ نے تیسری پوزیشن حاصل کی۔
لانگ جمپ میں سپریئر یونیورسٹی کے عمار پہلے‘ یو سی پی کے فرمان خان دوسرے اور محمد عبداللہ تیسرے نمبر پر رہے۔ ہائی جمپ میں ابوبکر نے پہلی‘ عمار نے دوسری اور محمد احمد خان نے تیسری پوزیشن اپنے نام کی۔
ڈسکس تھرو میں یو سی پی کے محی الدین نے پہلی‘ محمد عمر خان نے دوسری اور پشاور یونیورسٹی کے سید کاشف نے تیسری پوزیشن حاصل کی۔
شاٹ پٹ میں پشاور یونیورسٹی کے صاحبزادہ کاشف نے پہلی‘ وسیع اللہ نے دوسری اور شعیب یوسف نے تیسری پوزیشن حاصل کی۔ ریلے ریس میں سنٹرل پنجاب یونیورسٹی نے پہلی، پنجاب یونیورسٹی نے دوسری اور یونیورسٹی آف لاہور نے تیسری پوزیشن حاصل کی۔
