Tag: Karate news

جشن آزادی انٹر کلب کراٹے چمپئن شپ اختتام پذیر ہوگئی

پشاور: صوبائی دارلحکومت پشاور میں منعقدہ جشن آزادی انٹر کلب کراٹے چمپئن شپ اختتام پذیر ہوگئی ، اختتامی تقریب کے مہمان خصوصی اسسٹنٹ ڈائریکٹر سپورٹس شاہ فیصل تھے ،

انکے ہمراہ صوبائی کراٹے ایسوسی ایشن کے سینئر نائب صدر خالد نور، صوبائی ٹیبل ٹینس ایسوسی ایشن کے سینئر نائب صدر کفایت اللہ ، کراٹے کوچ عمل گل آفریدی بھی موجود تھے ،جنہوںنے کامیاب کھلاڑیوں میں ٹرافیاں اور سرٹیفکیٹس تقسیم کئے۔
چمپئن شپ میں بڑی تعداد میں مرد وخواتین کھلاڑیوں نے بھر پور حصہ لیا ، جنہوںنے ہاتھوں میں قومی پرچم لیے اور پاکستان زندہ باد کے پرجوش نعرے لگائے ۔

پشاور سپورٹس کمپلیکس کے کراٹے اکیڈمی میں منعقدہ اس چمپئن شپ کے 25 کلوگرام ویٹ کٹیگری میں فیاض نے پہلی اور جنید نے دوسری پوزیشن حاصل کی ،

30کے جی میں شاہ زین نے پہلی اور محمد نے دوسری پوزیشن لی ، 35 کے جی میں بلال نے گولڈ اور طلحہ نے سلور میڈل اپنے نام کیا ، 40کے جی میں سدیس پہلے نمبر اور ابراہیم دوسرے نمبر پر رہے ،

45کے جی میں ذوالقرنین اور محمد حزیفہ بالترتیب پہلے اور دوسرے نمبر پر رہے ، 50 کے جی میں فیضان نے گولڈ اور دانیال نے سلور میڈل جیتا ، 55 کے جی میں عبدالمہیمن نے گولڈ اور فہد نے سلور میڈل لیا ۔

جبکہ خواتین کٹیگری میں کھیلے جانیوالے 25کلوگرام ویٹ کٹیگری میں مشائم نے پہلی اور میمونہ نے دوسری حاصل کی ، 30کے جی میں کے مقابلوں میں حمدہ نے گولڈ ، مہرالنساءنے سلور میڈل لیا ،

40 کے جی میں آریبہ نے گولڈ اور آئزہ نے سلور میڈل جیتا ، 45کے جی میں ہدا نے پہلی اور نصیبہ نے دوسری پوزیشن لی ، 50کے جی میں اقصی نے پہلی اور ملیحہ نور نے دوسری پوزیشن حاصل کی ، 55 کے جی میں فاطمہ نے گولڈ اور ایمن نے سلور میڈل جیتا ، 60 کے جی میں ایشاءنے گولڈ اور میراب نے سلور میڈل لیا ۔

اختتامی تقریب سے خطاب کرتے ہوئے مہمان خصوصی اسسٹنٹ ڈائریکٹر سپورٹس شاہ فیصل نے کھلاڑیوں کے پرفارمنس کو سراہا اور کہاکہ یہی کھلاڑی ہمارے کے بہتر مستقبل ہیں ،

انشاءاللہ انٹر نیشنل لہول پر بھی کارکردگی دکھا کر پاکستان کی نیک نامی کا باعث بنیں گے ۔ انہوںنے کہاکہ صوبائی حکومت خیبر پختونخوا میں کھیلوں کی ترقی کیلئے بھر پور کام کررہی ہے مستقبل میں اسکے بہتر اثرات مرتب ہونگے ۔

اس موقع پر سوبائی کراٹے ایسوسی ایشن کے سینئر نائب صدر خالد نور نے کہاکہ اس میں کوئی شک نہیں کہ خیبر پختونخواکا خطہ ٹیلنٹ کے حوالے سے کافی زرخیزہے اور اس ٹیلنٹ کو تلاش کرکے سامنے لانے کیلئے اضلاع کی سطح پر انٹر کلب،

ڈسٹرکٹ اور ڈویڑن کے لیول پر مرد وخواتین کراٹے کے مزید مقابلے بھی منعقد کرائیں گے ۔ جبکہ اسکے ساتھ ہی کوچنگ کورس کا سلسلہ بھی جاری رہے گا کیونکہ صوبے میں جتنے زیادہ کوچز اور ٹیکنیکل عملہ موجود ہوگااتناہی کراٹے فروغ پائے گا۔

خالد نور نے کہاکہ کراٹے کھیل میری زندگی کا اہم حصہ ہے زندگی کا زیادہ حصہ کراٹے کھیلتے ہوئے گزری ہے ، قومی اور بین الاقوامی مقابلوں میں خیبر پختونخواور پاکستان کی نیک نامی کیلئے جذبے سے کھیلا اور جیت کیلئے میدان اتراہوں،یہی وجہ ہے کہ اللہ تعالیٰ ایک نام اور پہچان دی ہے ،

کھلاڑی کے علاوہ بحیثیت کوچ بھی باصلاحیت کھلاڑیوں کو پیداکیاہے۔ حکومت پاکستان نے مجھے پرائڈ آف پرفارمنس جیسے بڑے ایوارڈ سے نوازاہے ۔

انہوں نے کہاکہ جب سے انہیں خیبر پختونخوامیں کراٹے کے فروغ کیلئے کام کرنے اور نچلی سطح پر ٹیلنٹ تلاش کرنے مو قع دیاہے اور اسی دن سے ہی اسی کام میں مصروف ہوں۔

خالد نور نے کہاکہ اللہ کے فضل سے قومی اور بین الاقوامی لیول کے مقابلوں میں خیبر پختونخواکے کھلاڑی کامیابیوں کا سلسلہ جاری رکھے ہوئے جبکہ کئی نوجوان کھلاڑی مختلف ڈیپارٹمنٹس کی طرف سے کھیل رہے ہیں،

انہوں نے کہاکہ پاکستان کراٹے فیڈریشن کے سربراہ محمدجہانگیر اور انکی ٹیم کی سرپرستی حاصل ہے اور انشاءاللہ انہی کی نگرانی میں اپنے صدر خوشیدخان اورپوری ٹیم کیساتھ ملکر صوبے میں اسی طرح کام کروں گا۔