محکمہ کھیل بلوچستان کی ایک بڑی وکٹ گرنے والی ہے۔
عنایت خان اچکزئی سپورٹس ایکٹوسٹ
34 ویں نیشنل گیمز 2023 کے افتتاحی تقریب منعقدہ 22 مئی 2023 کے دوران پاکستان اولمپک ایسوسی ایشن کے سیکریٹری جنرل خالد محمود نے تقریر کرتے ہوئے وزیر اعظم شہاز شریف کو کئی مرتبہ میاں محمد نواز شریف کہہ کر مخاطب کیا
کچھ لوگ اس کو زبان کی پھسلن قرار دیتے ہیں لیکن میری دانست میں یہ دراصل گھبراہٹ کی علامت تھی افتتاحی تقریب میں وزیر اعظم پاکستان، فوجی و سول حکام اور نیشنل گیمز میں شرکت کرنے والے کھلاڑیوں اور آفیشلز کی موجودگی میں “قومی ترانے” سے کھیلوں کے اس میگا ایونٹ کا آغاز نہ کرنا میری دانست میں قابل گرفت عمل ہے
باخبر زرائع کے مطابق صوبائی وزیر کھیل و امور نوجوانان بلوچستان جناب عبدالخالق ہزارہ نے اس بارے میں محکمہ کھیل بلوچستان کے حکام سے باز پرس کی ہے اس اہم قومی نوعیت کی تقریب میں “قومی ترانے “ کو مکمل طور پر حذف کرنے کا سخت نوٹس لیتے ہوئے صوبائی وزیر کھیل نے اس بارے میں رپورٹ متعلقہ حکام سے طلب کی
باخبر زرائع کا یہ بھی کہنا ہے کہ 34 ویں نیشنل گیمز کی افتتاحی تقریب سے قومی ترانے کے حذف کرنے کے مسئلے پر محکمہ کھیل بلوچستان کی ایک بڑی وکٹ عنقریب گرنے والی ہے.
