Tag: افتتاحی تقریب

دبئی(سپورٹس لنک رپورٹ)پاکستان سپر لیگ تھری کی شاندار اوررنگا رنگ افتتاحی تقریب کا دبئی میں آغاز ہو گیا ہے۔ دبئی انٹرنیشنل اسٹیڈیم میں سُر سنگیت کے ساتھ ، ثقافت کے رنگ بھی ہیں۔

تقریب میں آتش بازی کی روشنیاں بھی ہیں جس کے بعد پہلا مقابلہ دفاعی چیمپئن پشاور زلمی اورملتان سلطانز کے درمیان ہوگا، ایونٹ کے تمام ایکشن  مختلف ٹی وی چینلز براہ راست نشر ہوں گے۔

پاکستان سپر لیگ تھری کے لیے شائقین کا انتظار ختم ہوا افتتاحی تقریب میںجہاں لیجنڈ گلوکارہ عابدہ پروین اور امریکی سنگر جیسن ڈیلوروہوں گے وہیں علی ظفر اور شہزاد رائے بھی رنگ جمائیں گےاور ٹورنامنٹ کے لیے تمام ٹیمیں دبئی کرکٹ اسٹیڈیم پہنچ گئی ہیں۔

دوسری جانب پی ایس ایل فرنچائز پشاور زلمی کے فینز نے کراچی میں اپنی ٹیم کے نام سے آئس کریم پارلر سجا لیا ہےجہاں آپ کو براوو قلفا،زلمی پائن ایپل یا وہاب باؤنسر نام کی آئس کریم ملے گی ۔

افتتاحی تقریب کے دوران حریم فاروق اور بلال اس رنگا رنگ تقریب کے ہوسٹ ہیں،حریم فاروق کا کہنا ہے کہ دُنیا میں پاکستان کا مثبت پیغام جائے گاجبکہ بلال اشرف نے کہا کہ کراچی میں فائنل اس شہر کے شائقین کے لیے خوشی کی خبر ہے۔

لاہور قلندرز کے کپتان برینڈن مک کلم کا کہنا ہے کہ قلندرز کی ٹیم بہترین کھلاڑیوں پر مشتمل ہے جس کا بہت سی ٹیمیں مقابلہ بھی نہیں کرسکتیں۔

لاہور (سپورٹس لنک رپورٹ) انتظار کی گھڑیاں ختم، پی ایس ایل تھری کے لاہور میں ہونے والے پلے آف میچز کیلئے آن لائن ٹکٹوں کی فروخت کا آغاز کر دیا گیا۔ ٹکٹ کی قیمت ایک ہزار سے چھ ہزار تک رکھی گئی ہیں۔ ایک شائق پانچ سے زائد ٹکٹ نہیں خرید سکے گا۔ ٹکٹس بذریعہ نجی کوریئر سروس خریدار کو گھر پر بھی مل سکیں گے۔ کراچی میں ہونے والے فائنل کے لئے ٹکٹوں کی فروخت یکم مارچ سے شروع ہوگی۔

سپر لیگ کے تیسرے ایڈیشن کا میلہ 22 فروری سے متحدہ عرب امارات میں سجے گا۔ افتتاحی تقریب میں شوبز کا تڑکا لگانے کا فیصلہ بھی ہو گیا، تقریب میں فوک اور پوپ سنگرز کی انٹری ہو گی، عابدہ پروین کی بھینی موسیقی رگوں میں رس گھولے گی، علی ظفر اور شہزاد رائے آواز کے جادو سے کرکٹ دیوانوں کو جھومنے پر مجبور کریں گے۔

امریکی سنگر جیسن ڈی رولو (Jason Derulo)بھی اپنے فن سے خوشیوں کے رنگ بکھیریں گے۔ اس دھوم دھڑکے اور چوکے چھکے کے انتظار سے منچلے ابھی سے بے قرار ہیں۔

پیانگ چنگ(سپورٹس لنک رپورٹ)ونٹر اولمپکس 2018 کل سے جنوبی کوریا کے شہر پیانگ چنگ میں شروع ہوں گے جس میں پہلی بار پاکستان کے 2 ایتھلیٹ شرکت کر رہے ہیں ، جبکہ شمالی اور جنوبی کوریا کے ایتھلیٹس ایک پرچم تلے افتتاحی تقریب میں شریک ہوں گے۔

پیانگ چنگ میں منعقدہ ونٹر اولمپکس 2018 میں 92 ممالک کے تقریباً 3 ہزار ایتھلیٹ حصہ لے رہے ہیں ۔افتتاحی تقریب میں جہاں بہت سے رنگ ہوں گے وہیں میزبان جنوبی کوریا اور شمالی کوریا کے ایتھلیٹ ایک پرچم تلے مارچ پاسٹ کریں گے ۔

ونٹر اولمپکس میں پاکستان کے 2 کھلاڑی ایکشن میں ہوں گے۔ محمد کریم نے 4 سال پہلے اولمپک ڈیبو کیا تھا، البتہ سید ہومن پہلی بار اولمپکس میں حصہ لیں گے۔ پاکستانی ایتھلیٹس کا جنوبی کوریا پہنچے پر شاندار استقبال بھی کیا گیا۔

9 سے 25 فروری تک ہونے والے اولمپک میلے میں 7 اسپورٹس کے 12 ایونٹس ہوں گے ۔ گیمز کو پر امن رکھنے کےلیے 28 ہزار 700 سیکورٹی اہلکاروں کو تعینات کیا گیا ہے۔

راولپنڈی(سپورٹس لنک رپورٹ)ڈسٹرکٹ سپورٹس ڈپارٹمنٹ راولپنڈی اور سراج الحق ٹینس کلب کے باہمی اشتراک سے میجر اسحاق شہید چپپیئن شپ ریس کورس ٹینس گرائونڈ راولپنڈی میں منعقد ہوئی جس کے مہمان خصوصی میجر جنرل ریحان عبدالباقی ڈی جی ای ایم ای ہلال امتیاز ملٹری تھے۔مذکورہ چمپیئین شپ میں ایک سو سے زائد کھلاڑی حصہ لے رہے ہیں۔افتتاحی تقریب کے موقع پر ریحان عبدالباقی ڈی جی ای ایم ای نے میجر اسحاق شہید کی فوج میں گراں قدر خدمات کو سراہا اور شہید کے ایصال ثواب کے لئے دعا بھی کی۔ اس موقع پر انہوں نے ڈپٹی کمشنر راولپنڈی طلعت محمود گوندل کی کا وشوں کو سراہا جو کہ راولپنڈی میں کھیلوں کے فروغ کے لئے کر رہے ہیں۔ اس موقع پر ڈسٹرکٹ سپورٹس آفیسر راولپنڈی عبدالوحید بابر اور سراج الحق ٹینس کے روح رواں سعید الحق کو خصوصی طور پر مبارک باد پیش کی، اس موقع پر بریگیڈئیر نجیب احمد، بریگیڈیئر کامران، ایس ایس پی (ریٹائرڈ) فیصل شریف، کرنل شفقت، محمد اکرام اور کیپٹن عمر نے بھی شرکت کی۔