Tag: اے بی ڈی ویلیئرز

جوہانسبرگ(سپورٹس لنک رپورٹ): جنوبی افریقہ نے آئندہ ماہ آسٹریلیا کے خلاف شیڈول چار ٹیسٹ میچوں پر مشتمل سیریز کے ابتدائی دو میچز کیلئے اسکواڈ کا اعلان کر دیا، ٹی20 میں عمدہ کارکردگی دکھانے والے ہنری کلاسن کو اسکواڈ کا حصہ بنا لیا گیا ہے۔

جنوبی افریقہ اور آسٹریلیا کے درمیان چار ٹیسٹ میچوں پر مشتمل سیریز کا آغاز یکم مارچ سے ہو گا اور میزبان ٹیم نے سیریز کیلئے اپنے اسکواڈ کا اعلان کردیا ہے۔

فٹنس مسائل کے سبب بھارت کے خلاف ٹی20 سیریز میں شرکت نہ کرنے والے کپتان فاف ڈیوپلیسی، اے بی ڈی ویلیئرز، کوئنٹن ڈی کوک اور ٹیمبا باووما کی دوبارہ ٹیم میں واپسی ہوئی ہے تاہم ان کی میچز میں شرکت فٹنس سے مشروط ہو گی۔

آل راؤنڈر کرس مورس، اینڈائل فلکوایو اور فاسٹ باؤلر ڈینی اولیوائر کو ڈراپ کر دیا گیا ہے جبکہ ہنری کلاسن اور ویان ملڈر پہلی بار ٹیسٹ اسکواڈ میں جگہ بنانے میں کامیاب رہے۔

اعلان کردہ اسکواڈ کپتان فاف ڈیوپلیسی، ہاشم آملا، ٹیمبا باووما، کوئنٹن ڈی کوک، تھیونس ڈی براؤن، اے بی ڈی ویلیئرز، ڈین ایلگر، ہنری کلاسن، کیشپ مہاراج، ایڈن مرکرم، مورنے مورکل، ویان ملڈر، نگیڈی، ورنن فلینڈر اور کگیسوربادا پر مشتمل ہے۔

جوہانسبرگ،کرکٹ سائوتھ افریقہ کی سلیکشن کمیٹی نے آئندہ ماہ بھارت کے خلاف شیڈول ون ڈے انٹرنیشنل سیریز کے ابتدائی تین میچز کیلئے سکواڈ کا اعلان کر دیا، لونگی نگیڈی اور خایا زونڈو پہلی بار ایک روزہ ٹیم میں جگہ بنانے میں کامیاب رہے، مورنے مورکل اور کرس مورس کی بھی دوبارہ ٹیم میں واپسی ہوئی ہے، دونوں فاسٹ بائولرز انجری مسائل کے باعث بنگلہ دیش کے خلاف سیریز نہیں کھیل سکے تھے، حیران کن طور پر فرحان بہاردین کو ڈراپ کر دیا گیا جبکہ تبریز شمسی کو دوسرے سپنر کے طور پر عمران طاہر کا پارٹنر رکھا گیا ہے، جنوبی افریقہ اور بھارت کے درمیان و نڈے سیریز کا آغاز یکم فروری سے ہو گا۔ اعلان کردہ سکواڈ کپتان فاف ڈوپلیسی، ہاشم آملہ، کوئنٹن ڈی کوک، اے بی ڈی ویلیئرز، جے پی ڈومینی، عمران طاہر، ایڈن مرکرم، ڈیوڈ ملر، مورنے مورکل، کرس مورس، لونگی سانی نگیڈی، اینڈائل پہلک وایو، کاگیسوربادا، تبریز شمسی اور خیلائیک زونڈو پر مشتمل ہے۔

جنوبی افریقا نے بھارت کیخلاف دوسرے ٹیسٹ کیلئے ٹیم کا اعلان کر دیا ہے، ڈیل اسٹین کے زخمی ہونے کے بعد ڈین اولیور اور لنگی نگیدی کو پہلی بار ٹیسٹ ٹیم میں شامل کیا گیا ہے ۔

ڈیل اسٹین بھارت کے خلاف کیپ ٹائون میں کھیلے گئے پہلے ٹیسٹ میچ میں انجری کا شکار ہو کر پوری سیریز سے باہر ہو چکے ہیں ان کی جگہ اولیور نے گزشتہ سال سری لنکا کے خلاف ڈیبیو کیا تھا لیکن وہ جنوبی افریقی ٹیم کے مستقل رکن بننے میں کامیاب نہیں ہو سکے تھے

جبکہ 21 سالہ نگیدی نے ابھی تک کوئی ٹیسٹ نہیں کھیلا ،اعلان کردہ اسکواڈ کی قیادت فاف ڈیوپلیسی کریں گے جبکہ دیگر کھلاڑیوں میں ہاشم آملا، ٹیمبا باووما، تھیونس ڈی برون، کوئنٹن ڈی کوک، اے بی ڈی ویلیئرز، ڈین ایلگر، کیشپ مہاراج، ایڈن مرکرم، مورنے مورکل، کرس مورس، ایندائل فلکوایو، ورنن فلینڈر، کگیسو ربادا، ڈین اولیور اور لنگی نگیدی شامل ہیں۔

جنوبی افریقا نے ورنن فلینڈر کی عمدہ بالنگ کی بدولت بھارت کو پہلے ٹیسٹ میچ میں شکست دے کر سیریز میں 1-0 کی برتری حاصل کی تھی۔میزبان ٹیم اور بھارت کے درمیان دوسرا ٹیسٹ 13 جنوری سے سنچورین میں کھیلا جائے گا۔