Tag: سوئٹزرلینڈ

زیورخ(سپورٹس لنک رپورٹ)سوئٹزرلینڈ میں برف پر ہوا کرکٹ کا بڑا مقابلہ جس میں آفریدی الیون نے سہواگ الیون کو 6 وکٹوں سے شکست دے دی۔برف پوش سوئس ایلپس میں ہونے والے ٹی ٹوئنٹی میچ میں شعیب اختر، شاہد آفریدی، جیک کیلس، وریندر سہواگ، عبدالرزاق، لاستھ ملنگا اور گریم اسمتھ سمیت کئی ستارے ایکشن میں دکھائی دیے۔دو میچوں کی سیریز کے پہلے ٹی ٹوئنٹی میچ میں راولپنڈی ایکپریس شعیب اختر کی ٹیم رائلز نے سہواگ کی ڈائمنڈ کو 6 وکٹ سے ہرادیا۔ڈائمنڈز نے پہلے بیٹنگ کرتے ہوئے 165 رنز بنائے، کپتان سہواگ نے 31 گیندوں پر 62 رنز بنائے جبکہ اینڈریو سائمنڈز نے 40 رنز بنائے۔عبدالرزاق نے چار، شعیب اختر نے دو اور آفریدی نے ایک وکٹ حاصل کی۔جواب میں رائلز کی ٹیم نے 15.2 اوور میں ہدف حاصل کرلیا جبکہ اویس شاہ نے 74 رنز کی اننگز کھیلی۔سیریز کا دوسرا میچ 9 نومبر کو کھیلا جائے گا۔

میلبرن: سوئٹزرلینڈ کے عالمی شہرت یافتہ ٹینس اسٹار اور عالمی نمبر دو راجر فیڈرر اور جمہوریہ چیک کے ٹامس برڈک آسٹریلین اوپن ٹینس ٹورنامنٹ کے کوارٹر فائنل میں پہنچ گئے۔

آسٹریلیا میں جاری سال کے پہلے گرینڈ سلیم کے مینز سنگلز پری کوارٹر فائنل میچ میں سوئس اسٹار راجر فیڈرر نے ہنگری کے مارٹن فیوکسوویک کو 6-4، 7-6 اور 6-2 سے ہرا کر میگا ایونٹ کے کوارٹر فائنل کے لیے کوالیفائی کرلیا۔

واضح رہے کہ دفاعی چیمپیئن راجر فیڈرر اب تک ایونٹ میں ایک بھی سیٹ نہیں ہارے ہیں۔

ایک اور میچ میں جمہوریہ چیک کے ٹامس برڈک نے شاندار کارکردگی کا مظاہرہ کرتے ہوئے اٹلی کے فابیو فوجنینی کو اسٹریٹ سیٹس میں 6-1، 6-4 اور 6-4 سے ہرا کر میگا ایونٹ کے کوارٹر فائنل کے لئے کوالیفائی کرلیا۔

کوارٹر فائنل میں راجر فیڈرر کا مقابلہ ٹامس برڈک سے ہو گا۔

ادھر خواتین کے مقابلوں میں عالمی نمبر ایک سیمونا ہیلپ، امریکا کی میڈیسن کیز اور جرمنی کی انجلیق کربر نے اپنی پیش قدمی کو برقرار رکھتے ہوئے آسٹریلین اوپن ٹینس ٹورنامنٹ کے کوارٹر فائنل کیلئے کوالیفائی کر لیا۔

ویمنز سنگلز پری کوارٹر فائنل میچ میں رومانیہ کی سیمونا ہالپ نے جاپانی حریف ناؤمی اوساکا کو اسٹریٹ سیٹس میں 6-3 اور 6-2 سے ہرا کر آخری آٹھ کھلاڑیوں میں جگہ بنائی۔

امریکا کی میڈیسن کیز نے فرانس کی کارولین گارشیا کو اسٹریٹ سیٹس میں 6-3 اور 6-2 اور جرمنی کی انجلیق کربر نے تائپے کی سو وائی کو 4-6، 7-5 اور 6-2 سے ہرا کر میگا ایونٹ کے کوارٹر فائنل کیلئے کوالیفائی کرلیا۔

دوسری جانب مینز ڈبلز کے مقابلوں میں پولینڈ کے لیوکاس کیوبوٹ اور ان کے برازیلین ساتھی مارسیلو میلو اپنی پیش قدمی کو برقرار رکھتے ہوئے آسٹریلین اوپن ٹینس ٹورنامنٹ مینز ڈبلز کے کوارٹر فائنل میں پہنچ گئے۔

آسٹریلین اوپن کے مینز ڈبلز پری کوارٹر فائنل میچ میں پولینڈ کے لیوکاس کیوبوٹ اور ان کے برازیلین پارٹنر مارسیلو میلو نے سخت مقابلے کے بعد امریکا کے راجیو رام اور ان کے بھارتی ساتھی دیوج شاران کو پہلے سیٹ میں 6-3 سے شکست کے باوجود اگلے دونوں سیٹ 7-6 اور 6-4 سے ہرا کر میگا ایونٹ کے کوارٹر فائنل کیلئے کوالیفائی کرلیا۔

سوئٹزرلینڈ میں سلوپ اسٹائل اسنو بورڈنگ چیمپئن شپ کا انعقادکیا گیا، مختلف ممالک سے تعلق رکھنے والے کھلاڑی مہارت کا مظاہرہ کررہے ہیں۔

سوئٹزرلینڈ کے پہاڑی علاقے Graubunden میں سلوپ اسٹائل اسنو بورڈنگ چیمپئن شپ کا انعقاد کیا گیا ہے۔

لاکس اوپن(Laax Open) نامی اس مقابلے میں مختلف ممالک سے تعلق رکھنے والے درجنوں کھلاڑی شریک ہیں۔

ایونٹ کے دوران مرد اور خواتین کے درمیان سلوپ اسٹائل اسنو بورڈنگ کے مقابلوں کا انعقاد کیا جارہا ہے جس میں شرکاء اپنی مہارت دکھاتے ہوئے اسنو بورڈنگ کا شاندار مظاہرہ کررہے ہیں۔

مقامی ریزورٹ میں منعقد ہونے والے یہ مقابلے 21جنوری تک جاری رہیں گے۔