Tag: فاتح

لاہور(سپورٹس لنک رپورٹ)صوبائی وزیر کھیل جہانگیر خانزادہ نے کہا ہے کہ چوتھی بین الصوبائی گیمز کیلئے کھلاڑی بھرپور محنت کررہے ہیں، پرامید ہیںہمارے باصلاحیت کھلاڑی فاتح بن کر لوٹیں گے، ان خیالات کا اظہار انہوں نے بدھ کے روز نشتر پارک سپورٹس کمپلیکس کے جمنیزیم ہال میں ووشو کے تربیتی کیمپ کے معائنے کے موقع پر میڈیا سے گفتگو کرتے ہوئے کیا، صوبائی وزیر کھیل نے کیمپ میں کھلاڑیوں کی تیاری اور دیگر انتظامات پر اطمینان کا اظہار کرتے ہوئے کہا کہ سپورٹس بورڈ پنجاب تمام کھلاڑیوں کو تربیتی کیمپ میں بہترین سہولتیں فراہم کررہا ہے

معروف کوچز کھلاڑیوں کو تربیت دے رہے ہیں، ان کا کہنا تھا کہ تربیتی کیمپ میں کھلاڑیوں کی فٹنس کا خاص خیال رکھا جارہا ہے کیونکہ جب تک کھلاڑی فٹ نہیں ہوگا وہ بہتر کارکردگی نہیں دکھا سکتا، اس لئے کھلاڑیوں کی فٹنس اور ان کی غذا کا خیال رکھا جارہا ہے، ایک سوال کے جواب میں صوبائی وزیر کھیل جہانگیر خانزادہ نے کہا کہ پنجاب کے کھلاڑیوں نے ہر شعبہ میں اپنی صلاحیتوں کا لوہا منوایا ہے، ہم پرامید ہیں کہ کھلاڑی گیمز میں اپنے اعزاز کا دفاع کرتے ہوئے فاتح بن کر لوٹیں گے۔

شارجہ(سپورٹس لنک رپورٹ)افغانستان نے ٹیسٹ درجہ حاصل کرتے ہی اڑان بھرلی اور26سال پرانا درجہ رکھنے والی زمبابوین ٹیم کو ٹی20 سیریز کی شکست کے بعد اب پہلے ون ڈے میچ میں بھی 154رنز کی عبرتناک شکست سے دوچار کردیا ہے۔

شارجہ میں کھیلے گئے ایک روزہ میچ میں فاتح ٹیم کے رحمت شاہ نے 114 اور نجیب اللہ زادران کے81 اور احسان اللہ کے 54 رنز کی بدولت 5وکٹ پر 333رنز کا مجموعہ ترتیب دیا۔

جواب میں زمبابوے کی ٹیم 35ویں اوور میں 179پر پویلین لوٹ گئی، ٹیم کی جانب سے ایرون 33رنز کے ساتھ نمایاں رہےجبکہ افغان بولرز کی جانب سے راشد خان نے 26رنز دیکر 4وکٹیں لیں تاہم رحمت شاہ سنچری بنانے پر مین آف دی میچ قرار پائے گئے ۔

سینٹ موریٹز(سپورٹس لنک رپورٹ)سوئٹزرلینڈ میں برف پر کھیلے جانے والے دوسرے ٹی ٹوئنٹی میچ میں رائلز نے ڈائمنڈ پیپلس کو دوسرے میچ میں بھی ہرادیا۔پیپلس ڈائمنڈز کے کپتان وریندر سہواگ نے ٹاس جیت کر پہلے بیٹنگ کا فیصلہ کیا۔ڈائمنڈز کا آغاز اچھا نہ تھا اور 15 رنز کے اسکور پر اس کی دو وکٹیں گرگئیں۔ دونوں وکٹیں پاکستانی آل راؤنڈر عبدالرزاق نے لیں۔کپتان وریندر سہواگ نے اننگز کو سہارا دیتے ہوئے 46 رنز کی اننگز کھیلی تاہم وہ گرانٹ ایلیٹ کی گیند کا شکار بن گئے۔اگلے آؤٹ ہونے والے بلے باز مائیک ہسی تھے جو ڈینئیل ویٹوری کی گیند پر 18 رنز بناکر آؤٹ ہوئے۔ٹیم کو مجموعہ اس موقع پر 91 رنز تھا جبکہ اس کی چار وکٹیں گرچکی تھیں۔یہاں محمد کیف اور انڈرو سائمنڈز کے درمیان شراکت نے ٹیم کو 205 رنز کے اسکور پر پہنچایا۔ کیف 57 بناکر آؤٹ ہوگئے جبکہ سائمنڈز 67 رنز پر ناٹ آؤٹ رہے۔رائلز کی جانب سے عبد الرزاق نے تین جبکہ ایلیٹ اور ویٹوری نے ایک، ایک کھلاڑی کو آؤٹ کیا۔جواب میں رائلز کے بلے بازوں کی جارحانہ بیٹنگ نے ہدف کے تعاقب کو آسان بنادیا اور 17ویں اوور میں بھی ہدف پورا کرلیا گیا۔جیک کیلس 90، گریم اسمتھ 58 اور اویس شاہ 43 رنز کے ساتھ نمایاں رہے اور ٹیم کو 8 وکٹوں سے فتح دلوائی۔ڈائمنڈز کی جانب سے رمیش پوار اور ظہیر خان نے ایک، ایک کھلاڑی کو آؤٹ کیا۔فتح کے ساتھ رائلز نے سیریز دو صفر سے جیت لی۔ شاندار بیٹنگ پر جیک کیلس کو میچ کا بہترین کھلاڑی قرار دیا گیا جبکہ اویس شاہ سیریز کے بہترین کھلاڑی ٹھہرے۔