Tag: نام

ڈھاکہ(سپورٹس لنک رپورٹ)بنگلہ دیش اور سری لنکا کی کرکٹ ٹیموں کے درمیان دو ٹی 20 میچز کی سیریز کا پہلا میچ 15 فروری کو ڈھاکہ میں کھیلا جائے گا۔شیڈول کے مطابق دونوں ٹیموں کے درمیان دوسرا اور آخری ٹی 20 میچ 18 فروری کو سلہٹ میں کھیلا جائے گا۔ اس سے قبل سری لنکن ٹیم دو ٹیسٹ میچوں کی سیریز 1-0 سے اپنے نام کر چکی ہے۔

پیانگ چن(سپورٹس لنک رپورٹ) ونٹر اولمپکس میں دلچسپ مقابلے جاری ہیں، جس میں ایتھلیٹ تمغے تو جیت رہے ہیں لیکن تیز ہواؤں نے انہیں پریشان بھی کر رکھا ہے۔ مقابلوں میں اب تک جرمنی 3 گولڈ میڈل کے ساتھ پہلے نمبر پر ہے۔

مینز کے لوژ سنگلز مقابلے میں آسٹریا کے ڈیوڈگلیرشرنے گولڈ میڈل جیت کر سب کو حیران کر دیا۔ یہ لوژ میں آسٹریا کا 50 سال میں پہلا طلائی تمغہ ہے۔ دوسری جانب مردوں کے بیاتلون 10 کلومیٹر اسپرنٹ میں جرمنی کے پیفرنے گولڈ میڈل اپنے نام کیا۔

آئس ہاکی کے مقابلوں میں امریکا نے فن لینڈ کو شکست دی جبکہ کینیڈا نے اولمپک پرچم تلے یکجا ہوکر کھیلنے والی روس کی ٹیم کو ہرا دیا ۔

ایونٹ میں تیز ہواؤں کے باعث اسکی انگ کے کچھ مقابلے ملتوی بھی کرنا پڑے ۔

واضح رہے کہ میڈل ٹیبل پر جرمنی تین گولڈ کے ساتھ پہلے نمبر پر ہے، جبکہ نیدر لینڈ کی دوسری اور امریکا کی تیسری پوزیشن ہے۔

پاکستان سپر لیگ کے تیسرے ایڈیشن کے لیے کمنٹیٹرز کے ناموں کا اعلان کردیا گیا۔

ایک اعلامیے میں بتایا گیا کہ اس سیزن کے لیے تین نئے نام سامنے ہیں جن میں سابق آسٹریلوی کھلاڑی مائیکل سلیٹر اور ڈیمین فلیمنگ جبکہ ویسٹ انڈیز کے ڈیرن گنگا شامل ہیں۔

اس کے علاوہ پینل میں رمیز راجہ، ڈینی موریسن، ایلن ولکنز اور بازد خان شامل ہیں جو گزشتہ سیزنز میں بھی لیگ میں خدمات سرانجام دے چکے ہیں۔

سلیٹر اور فلیمنگ اس آسٹریلوی ٹیم کا حصہ رہے ہیں جس نے 90 کی دہائی میں دنیائے کرکٹ پر اپنا غلبہ جاری رکھا۔

ریٹائرمنٹ کے بعد دونوں کھلاڑی کمنٹری باکس میں اپنا جادو جگاتے رہے ہیں۔

ان کے علاوہ پینل میں ڈیرن گنگا کو بھی شامل کیا گیا ہے جو ویسٹ انڈیز کے لیے 48 ٹیسٹ میچ، 35 ون ڈے اور ایک ٹی ٹوئنٹی میچ کھیل چکے ہیں۔

پینل ان کمنٹیٹرز پر مشتمل ہے:

رمیز راجہ

بازد خان

مائیکل سلیٹر

ڈینی موریسن

ڈیمیئن فلیمنگ

ڈیرن گنگا

ایلن ولکنز