Tag: lpl 2024 news

لنکا پریمیئر لیگ میں کولمبو اسٹرائیکرز اور جافنا کنگز کے درمیان کانٹے کا مقابلہ

کولمبو (12 جولائی 2024) کولمبو اسٹرائیکرز نے سخت مقابلے والے میچ میں اپنی لچک اور صلاحیت کا مظاہرہ کیا حالانکہ وہ جافنا کنگز سے معمول فرق سے شکست کھاگئے۔

معروف کھلاڑی گلین فلپس اور ہیڈ کوچ کارل کرو نے لنکا پریمیئر لیگ میں سست میچ کے باوجود ٹیم کی مثبت کامیابیوں پر تبادلہ خیال کیا۔

کولمبو اسٹرائیکرز کے ہیڈ کوچ کارل کرو نے کہا کہ اگرچہ نتائج ہمارے اسکواڈ کے حق میں نہیں تھے تاہم دونوں میچوں میں خود کو اچھی پوزیشن میں رکھا اور اس کا فائدہ اٹھانے کی کوشش کی۔

انہوں نے کہا کہ کھلاڑیوں نے عمدہ اسپورٹس مین شپ اور ثابت قدمی کا مظاہرہ کیا جو آگے بڑھنے میں ہماری کامیابی کے لئے ضروری ہوں گی۔

سری لنکا کے ہیڈ کوچ کارل کرو نے کولمبو میں ہونے والے اگلے میچوں کے لیے ٹیم کی تیاریوں کے بارے میں بھی کیا۔

دمبولا نے کولمبو اسٹرائیکرز کو 8 وکٹوں سے ہرادیا

کولمبو (8 جولائی 2024)

سری لنکا پریمیئر لیگ کے ایک میچ میں دمبولا سکسرز نے کولمبو اسٹرائیکرز 8 وکٹوں سے ہرادیا یہ لیگ کا 10 واں مقابلہ تھا۔
موجودہ ٹورنامنٹ میں اپنی مہم جاری رکھتے ہوئے گلین فلپس اور ماتھیشا پتھیرانا نے خوشی کا اظہار کرتے ہوئے کہا کہ ان کی کارکردگی میں بہتری آئی ہے اور آنے والے میچ میں اچھی کارکردگی دکھاسکتے ہیں۔

سری لنکا پریمیئر لیگ کے آخری نو کانٹے کے مقابلوں میں دمبولا سکسرز کو 6 میں کامیابی ملی ہے حالانکہ کولمبو اسٹرائیکرز اسکواڈ اس میچ میں معمولی برتری حاصل تھی۔

ایل پی ایل 2024 میں لیگ کی کچھ بہترین ٹیموں نے کولمبو اسٹرائیکرز سے سخت مقابلہ کیا۔ اپنے تجربہ کار اسکواڈ کی بدولت کینڈی فالکنز، گال گارڈینز اور کینڈی کنگز جیسی ٹیموں نے حریف کو مشکل میں ڈالا۔

ان ٹیموں کے خلاف تمام میچوں میں اعلی درجے کی مہارت اور صلاحیتوں کا مظاہرہ کیا گیا ہے۔ کولمبو اسٹرائیکرز نے سخت مقابلے کا سامنا کرتے ہوئے خود کو ثابت کیا ہے اور سیزن کو مسابقتی بنادیا۔

کولمبو اسٹرائیکرز نے سری لنکا پریمیئر لیگ میں امپائر کا فیصلہ چیلنج کردیا

کولمبو (7 جولائی 2024)

کینڈی فالکنز کے خلاف دوسرے میچ میں کولمبو اسٹرائیکرز کے گیم وننگ کیچ کو غلط قرار دینے سے ٹیم سری لنکا پریمیئر لیگ سیزن میں آگے نہیں بڑھ سکی ۔

کولمبو اسٹرائیکرزکے چمیکا کرونارتنے نے کینڈی فالکنز کا کیچ پکڑا تھا۔ فیصلے کے لئے معاملہ تیسرے امپائر کے پاس گیا جنہوں نے اسے منسوخ کردیا

جس پر کھلاڑیوں، اور تماشائیوں نے احتجاج کیا حالانکہ اس کے لئے کافی ثبوت موجود تھے۔ کپتان تھیسارا پریرا کی قیادت میں کولمبو اسٹرائیکرز نے 199 رنز کے شاندار اسکور بنایا۔

تاہم آٹھویں اوور میں چمیکا کرونارتنے کے شاندار کیچ کو ٹی وی امپائر پرگیتھ رامبک ویلا نے مسترد کردیا جس کے بعد اسٹرائیکرز کے کیمپ میں بڑے پیمانے پر مایوسی پھیلی۔

کولمبو اسٹرائیکرز کے مالک ساگر کھنہ نے کہا کہ اس فیصلے نے کھیل کو بری طرح متاثر کیا۔
انہوں نے کہا کہ ہمیں یقین تھا کہ فیصلہ ہمارے حق میں کرے کیونکہ اس کے کافی شواہد موجود ہیں

اس تنازع نے کرکٹ امپائرنگ میں ٹیکنالوجی کا استعمال اور فیصلہ سازی میں زیادہ مستقل مزاجی کی ضرورت سے متعلق بحث کو جنم دیا ہے۔
ساگر کھنہ نے سری لنکا پریمیئر لیگ سے درخواست کی ہے کہ وہ اس واقعے کی مکمل تحقیقات کرے اور اس کے بعد کے میچوں میں غیر جانبداری اور سچائی کی ضمانت دے۔

شاداب خان کی ہیٹ ٹرک کی بدولت کولمبو اسٹرائیکرز کامیاب

کولمبو (3 جولائی 2024)

کولمبو اسٹرائیکرز نے پالیکیلے انٹرنیشنل کرکٹ اسٹیڈیم میں کینڈی فالکنز کو 51 رنز سے شکست دیکر لنکا پریمیئر لیگ 2024 کا شاندار آغاز کیا۔

کولمبو اسٹرائیکرز کی فاتح میں پاکستانی آل راؤنڈر شاداب خان کی شاندار کارکردگی کا نمایاں ہاتھ تھا ان کی ہیٹ ٹرک نے میچ کا پانسہ پلٹ دیا تھا۔

کینیڈی فالکنز کو جیت کے لئے 199 رنز کا ہدف ملا تھا تاہم پوری ٹیم 15.5 اوورز میں 147 رنز پر ڈھیر ہوگئی۔
دنیش چندیمل (26 گیندوں پر 38) اور آندرے فلیچر (12 گیندوں پر 24) کے شاندار آغاز کے باوجود فالکنز نے وکٹیں گنوادی ۔ محمد حارث (3 گیندوں پر 4) بھی کریز پر نہ ٹک سکے اور جلد پویلین لوٹ گئے۔

پاکستانی آل راؤنڈر شاداب خان (22 رنز دیکر 4 وکٹ) کی شاندار بولنگ سے میچ ڈرامائی انداز میں کولمبو اسٹرائیکرز کے حق میں چلاگیا۔ ان کا ساتھ سری لنکن آف اسپنر ڈونیتھ ویلاج (20 رنز دیکر 4 وکٹ) نے دیا۔

اس جوڑی نے فالکنز کے مڈل اور لوئر آرڈر کے پرخچے بکھیر دیئے کینڈی کی آخری 6 وکٹیں 12 گیندوں پر صرف سات رنز پر گری ۔ یوں کولمبو اسٹرائیکرز کو فتح کے ساتھ دو اہم پوائنٹس مل گئے۔

اس سے قبل کولمبو اسٹرائیکرز نے فالکنز کے کپتان ہسارنگا کی مدد سے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 198 رنز بنائے۔

شاداب خان کا ہیٹ ٹرک سے ٹرولرز کو مؤثر جواب

کولمبو(5 جولائی 2024)

سری لنکا کے شہر کینڈی کے پالی کیلے انٹرنیشنل کرکٹ اسٹیڈیم میں کولمبو اسٹرائیکرز نے سری لنکا پریمیئر لیگ ٹرافی کے لیے 2 جولائی سے اپنا سفر دوبارہ شروع کیا ہے۔

پانچویں سیزن میں اسٹرائیکرز نے اپنی باؤلنگ سے اپنی کامیابی کا سفر شروع کیا جس میں شاداب خان اور دونتھ ویلاج نمایاں رہے ۔ شاداب خان اپنی کیریئر کی پہلی ہیٹ ٹرک کی۔

شاداب خان کے متاثر کن ہیٹ ٹرک کو سراہتے ہوئے اسٹرائیکرز فرنچائز کے مالک ساگر کھنہ نے کہا کہ بہت سے نفرت کرنے والے اور ٹرولرز کو شاداب خان کی اس ہیٹ ٹرک سے جواب مل گیا ہے۔ کیونکہ شاداب خان اس نفرت کا انتہائی مؤثر اور بھرپور ردعمل دیا ہے۔

کولمبو اسٹرائیکرز نے پہلے میچ میں کینڈی فالکنز کو ہرایا تھا تاہم وہ دوسرا میچ گال ٹائٹنز سے ہارگئی۔
کولمبو اسٹرائیکرز 6 اور 7 جولائی کو لنکا پریمیئر لیگ کے میچ میں کینڈی فالکنز اور دمبولا تھنڈرز کے خلاف مدمقابل ہوگی۔