Tag: وکٹ

دبئی(سپورٹس لنک رپورٹ)پاکستان سپر لیگ ( پی ایس ایل ) تھری کے پانچویں میچ میں لاہور قلندرز نے کوئٹہ گلیڈی ایٹرز کو جیت کے لئے120 رنز کا ہدف دیا ہے ۔

لاہورقلندرز کی ٹیم برینڈن مکلم 30، سنیل نارائن 28 اور سہیل اختر ناٹ آئوٹ 20 رنز کی بدولت مقررہ 20 اوورز میں بمشکل ہی 119رنز جوڑ پائی۔

دبئی انٹرنیشنل کرکٹ اسٹیڈیم میں کھیلے جارہے آج کے دوسرے میچ میں لاہور قلندرز کے اوپنرز کپتان برینڈن مکلم اور سنیل نارائن نےٹیم کو 46رنز کا شاندار آغاز فراہم۔

دونوں اوپنرز نے جارحانہ انداز سے بیٹنگ کی ،چوتھے اوور کی تیسری گیند پر2چھکوں اور 4چوکوں کی مدد سے 28رنز بنانے والے سنیل نارائن کو راحت علی میدان بدر کردیا۔

کوئٹہ گلیڈی ایٹرز کو 60 کے مجموعے پر دو اہم وکٹیں مل گئیں، گزشتہ میچ میں شاندار بیٹنگ کرنے والے فخر زمان 1 کو آرچر نے اور 2چھکوں اور 3چوکوں کی مدد سے 30 رنز کی اننگز کھیلنے والے برینڈن مکلم کو محمد نواز نے پویلین کی راہ دکھائی ۔

اس کے بعد لاہور قلندرز کی مشکلات بڑھنے لگیں،سرفراز الیون کو چوتھی کامیابی مل گئی ، 2چھکوںکی مدد سے 15رنز بنانے والے ڈیل پورٹ کو محمد نواز نے انور علی کی مدد سے قابو کرلیا۔

لاہور قلندرز کی طرف سے عمر اکمل ایک، حسن رضا 4،یاسر شاہ 2 اور شاہین شاہ آفریدی صفر پر ہی پویلین لوٹ گئے تو پھر بڑا اسکور ہونے کے امید دم توڑ گئی۔

لاہور قلندرز کی طرف سے سہیل اختر نے ذمہ دارانہ بیٹنگ کی 1چھکے اور 1چوکے کی مدد سے 20قیمتی رنز کااضافہ کیا ۔

کوئٹہ گلیڈی ایٹرزکےآرچر نے 3، محمد نواز نے 2 جبکہ شین واٹسن ، راحت علی اور حسن خان نے ایک ایک وکٹ اپنے نام کی ۔

پورٹ الزبتھ(سپورٹس لنک رپورٹ)جنوبی افریقا اور بھارت کی کرکٹ ٹیموں کے درمیان پانچواں ون ڈے انٹرنیشنل (کل)منگل کو پورٹ الزبتھ میں کھیلا جائے گا۔ بھارت کو چھ میچز کی سیریز میں 3-1 کی برتری حاصل ہے۔ کوہلی الیون نےپہلے ون ڈے میچ میں 6 وکٹ، دوسرے میچ میں 9 وکٹ اور تیسرے میچ میں 124 رنز سے فتح حاصل کی جبکہ پروٹیز نے چوتھا ون ڈے 5 وکٹ سے جیتا۔ سیریز کا چھٹا اور آخری ون ڈے میچ 16 فروری کو سینچورین میں کھیلا جائے ۔

نئی دہلی(سپورٹس لنک رپورٹ)بھارت کے مایہ نازوکٹ کیپر اورسابق کپتان ایم ایس دھونی نے ون ڈے کرکٹ میں 400 شکارمکمل کرلئے ہیں۔بھارت کے تجربہ کار وکٹ کیپر بیٹسمین مہندراسنگھ دھونی کے وکٹوں کے عقب میں400شکارمکمل کرلئے ہیں۔ وہ یہ کارنامہ انجام دینے والے دنیاکے چوتھے اوراسٹمپس کی سنچری کرنے والے واحد وکٹ کیپر ہیں۔دھونی نے جنوبی افریقا کے خلاف کیپ ٹان کے تیسرے ایک روزہ میچ میں شکاروں کی چوتھی سنچری مکمل کی۔ انہوں نے 315میچوں میں وکٹوں کے پیچھے 295 کیچز اور 106اسٹمپس سمیت 401 شکارکئے۔ون ڈے کرکٹ کے کامیاب ترین وکٹ کیپرسری لنکا کے سنگاکارا ہیں۔ جنہوں نے 404ایک روزہ میچوں میں 383 کیچز اور99اسٹمپس سمیت 482 شکارکئے۔آسٹریلیا کے سابق کرکٹر ایڈم گلکرسٹ نے 287 میچز میں 472شکار کئے۔جس میں 417 کیچز اور55 اسٹمپس شامل ہیں۔جنوبی افریقا کیمارک باچر295 میچز میں 424شکارکرکے تیسرے نمبر پرہیں۔انہوں نے 402کیچز اور22 اسٹمپس کئے۔

دبئی (سپورٹس لنک رپورٹ) انٹرنیشنل کرکٹ کونسل (آئی سی سی) نے بنگلہ دیش اور سری لنکا کے درمیان کھیلے گئے پہلے ٹیسٹ کے وینیو ظہور احمد چوہدری سٹیڈیم، چٹاگانگ کی وکٹ کو اوسط سے بھی کم درجے کی قرار دیا ہے۔ بنگلہ دیش اور سری لنکا کے درمیان پہلا ٹیسٹ ڈرا ہوا تھا اور میچ میں دونوں ٹیموں نے 1533 رنز بنائے تھے، یہ بنگلہ دیشی سرزمین پر کسی بھی ٹیسٹ کا دوسرا بڑا سکور ہے، اتفاق کی بات یہ ہے کہ انہی دو ٹیموں کے درمیان اسی وکٹ پر ٹیسٹ میچ کا بڑا سکور بھی بنا تھا، 2014ء میں چٹاگانگ ٹیسٹ میں بنگلہ دیش اور سری لنکا کے درمیان 1589 رنز بنے تھے۔ آئی سی سی میچ ریفری ڈیوڈ بون نے اپنی رپورٹ میں کہا کہ چٹاگانگ کی پچ اوسط سے بھی نیچے تھی، نئی گیند اور فاسٹ باؤلرز کیلئے کوئی سیم موومنٹ نہیں تھی، سست پچ نہ ہونے کی وجہ سے سپنرز بھی کامیاب نہ ہو سکے، اس کے علاوہ پورے میچ میں باؤنس کی بھی کمی رہی۔ آئی سی سی نے چٹاگانگ کی پچ کو اوسط سے بھی کم درجے کی قرار دیتے ہوئے اسے ایک ڈی میرٹ پوائنٹ بھی دے دیا۔

جوہانسبرگ(سپورٹس لنک رپورٹ)جنوبی افریقا اور بھارت کے درمیان کھیلے جا رہے تیسرے ٹیسٹ کے تیسرے روز کا کھیل وکٹ کے خراب ہونے کی وجہ سے وقت سے پہلے ختم کر دیا گیا۔

بھارتی ٹیم ان دنوں جنوبی افریقا کے دورے پر ہے جہاں دونوں ٹیموں کے درمیان جوہانسبرگ میں تیسرا ٹیسٹ کھیلا جا رہا ہے۔

تیسرے ٹیسٹ کے لیے تیار کی گئی وکٹ ابتداء ہی سے خطرناک دکھائی دے رہی تھی اور کھیل کے تیسرے روز اب تک 31 کھلاڑی آؤٹ ہو چکے ہیں۔

بھارتی ٹیم کے کپتان ویرات کوہلی نے ٹاس جیت پہلے خود کھیلنے کا فیصلہ کیا اور پوری ٹیم 187 رنز ہی بنا پائی جب کہ جواب میں جنوبی افریقا کی ٹیم بھی پہلی اننگز میں 194 رنز سے آگے نہ بڑھ سکی۔

بھارت نے اپنی دوسری اننگز کا آغاز کیا تو وکٹ میں توقعات سے زیادہ باؤنس نظر آنے لگا اور اننگز کے دوران متعدد بار گیند کھلاڑیوں کو بھی لگی تاہم خوش قسمتی سے کوئی بھی کھلاڑی غیرمعمولی زخ نہیں ہوا۔

جنوبی افریقا نے بھارت کی جانب سے دیے گئے 241 رنز کے ہدف کے تعاقب میں اپنی دوسری اننگز کا آغاز کیا تو میزبان ٹیم کو بھی خراب وکٹ کی وجہ سے اچانک سے اٹھنے والی خطرناک بالز کا سامنا کرنا پڑا۔

جنوبی افریقا نے 8.3 اوورز میں ایک وکٹ کے نقصان پر 17 رنز بنائے تھے کہ جسپریت بھمراہ کی گڈ لینتھ پر آتی بال اچانک سے ڈین ایلگر کے ہیلمٹ پر لگی جس کے باعث امپائر کو کچھ دیر کے لیے کھیل روکنا پڑا۔

بعد ازاں میچ ریفری اینڈی پیکروفٹ نے آج کے دن کا کھیل ختم ہونے سے پہلے ہی میچ ختم کرنے کا اعلان کر دیا۔

خیال رہے کہ جنوبی افریقا اور بھارت کے درمیان 3 ٹیسٹ میچوں کی سیریز میں میزبان پروٹیز کو 2 صفر کی فیصلہ کن برتری حاصل ہے۔

انٹرنیشنل کرکٹ کونسل(آئی سی سی) انگلینڈ اور آسٹریلیا کے درمیان میلبرن میں کھیلے گئے چوتھے ٹیسٹ میچ کی ناقص وکٹ پر گراؤنڈ کے حکام کو آفیشل وارننگ جاری کردی گئی ہے۔

ڈرا پر ختم ہونے والے چوتھے ٹیسٹ میچ کی وکٹ کو دونوں ٹیموں کی جانب سے شدید تنقید کا نشانہ بنایا گیا تھا جہاں کھیل کے پانچ دن کے دوران صرف 24 وکٹیں رکھیں۔

میچ میں آسٹریلیا نے پہلی اننگز میں 327 اور دوسری اننگز چار وکٹ کے نقصان پر 263 رنز بنا کر ڈکلیئر کر دی تھی جبکہ انگلینڈ نے میچ میں اپنی واحد اننگز میں ایلسٹر کک کی ڈبل سنچری کی بدولت 491 رنز بنائے۔

میچ ریفری رنجن مدوگالے نے اپنی رپورٹ میں وکٹ کو ناقص قرار دیتے ہوئے کہا تھا کہ اس وکٹ میں گیند اور بلے کے درمیان کوئی مقابلہ نہیں تھا اور کرکٹ آسٹریلیا نے اس پر کوئی اعتراض نہیں کیا۔

آئی سی سی نے وکٹ پر وارننگ جاری کرتے ہوئے کہا کہ کرکٹ آسٹریلیا نے اس امر کی نشاندہی کی ہے کہ یہ مقام مستقل استعمال ہو رہا ہے اور ماضی میں کوئی ایسی مثال نہیں ملتی کہ انٹرنیشنل میچ کی وکٹ کو ناقص قرار دیا گیا ہو۔

آئی سی سی نے کہا کہ کرکٹ آسٹریلیا اور میلبرن کرکٹ کلب نے مستقبل میں انٹرنیشنل مقابلوں میں بہتر وکٹوں کی تیاری کا عزم ظاہر کیا ہے۔ یاد رہے کہ میلبرن کی وکٹ آسٹریلیا کی تاریخ کی پہلی وکٹ ہے جسے ناقص قرار دیا گیا ہے۔

میلبرن اتوار کو انگلینڈ اور آسٹریلیا کے درمیان پہلے ون ڈے میچ کی میزبانی کرے گا۔