خضرا کرکٹ کلب اور آر اے بازار ایگلٹس کے درمیان جونیئر کرکٹ سیریز کا شیڈول طے

خضرا کرکٹ کلب اور آر اے بازار ایگلٹس کے درمیان جونیئر کرکٹ سیریز کا شیڈول طے

عابد حسین کی جانب سے پرویز ریحان کو خضرا کلب کی شرٹ پیش،

نمایاں کارکردگی دکھانے والے کھلاڑیوں کے لیے کیش پرائز دینے کا فیصلہ

رپورٹ: عابد حسین

لاہور: چیئرمین خضرا کرکٹ کلب عابد حسین نے سینئر کرکٹ آرگنائزر اور صدر آر اے بازار ایگلٹس کرکٹ کلب پرویز ریحان کو خضرا کلب کی شرٹ پیش کی۔

اس موقع پر دونوں کلبوں کے درمیان باہمی کرکٹ روابط کے فروغ اور جونیئر ٹیموں کی ہوم اینڈ اوے کی بنیاد پر سیریز کے شیڈول کو بھی حتمی شکل دی گئی۔

آر اے بازار ایگلٹس لاہور کینٹ کا ایک تاریخی کرکٹ کلب ہے، جبکہ پرویز ریحان کا شمار لاہور کے سینئر اور نامور کرکٹ آرگنائزرز میں ہوتا ہے۔ ان کے تجربے اور کرکٹ سے وابستگی کو کلب کرکٹ کے فروغ کے لیے اہمیت حاصل ہے۔

طے شدہ پروگرام کے تحت خضرا کرکٹ کلب اور آر اے بازار ایگلٹس کی جونیئر ٹیمیں ہوم اینڈ اوے کی بنیاد پر باہمی سیریز کھیلیں گی۔ ان مقابلوں کا مقصد نوجوان کھلاڑیوں کو مسابقتی کرکٹ کے بہتر مواقع فراہم کرنا،

ان کی صلاحیتوں کو نکھارنا اور کھیل کے معیار کو مزید بلند کرنا ہے۔ دونوں کلبوں کی انتظامیہ نے فیصلہ کیا کہ سیریز میں نمایاں کارکردگی دکھانے والے کھلاڑیوں کی حوصلہ افزائی کی جائے گی اور انہیں کیش پرائز بھی دیے جائیں گے۔

خضرا کرکٹ کلب اور آر اے بازار ایگلٹس کرکٹ کلب کے درمیان یہ اشتراک لاہور میں کلب کرکٹ کے فروغ، نوجوان ٹیلنٹ کی سرپرستی اور صحت مند مسابقت کے قیام کی جانب ایک اہم پیش رفت ہے۔

دونوں کلب اس عزم کے ساتھ آگے بڑھ رہے ہیں کہ باصلاحیت نوجوان کھلاڑیوں کو اپنی صلاحیتوں کے اظہار کے بھرپور مواقع فراہم کیے جائیں، ان کی محنت اور کارکردگی کو سراہا جائے اور باہمی تعاون کے ذریعے لاہور کی کلب کرکٹ کو مزید مضبوط اور معیاری بنایا جائے۔