ہاکی باتوں سے ٹھیک نہیں ہوگی ہمیں سہولیات دی جائیں: کپتان قومی ہاکی ٹیم عماد بٹ
پاکستان ہاکی ٹیم کے کپتان عماد بٹ کا کہنا ہیکہ ہاکی باتوں سے ٹھیک نہیں ہوگی ہمیں سہولیات دی جائیں، فیڈریشن نے ابھی تک ہمارے واجبات ادا نہیں کیے ہیں۔
رلاہور میں میڈیا سیگفتگو میں قومی ہاکی ٹیم کیکپتان عماد بٹ کا کہنا تھا کہ ایشیاکپ کے لیے خودکو تیار کر رہے ہیں اس وقت تیاری بڑی اچھی ہے، ہمارے لیے ایشیاکپ بڑا اہم ٹورنامنٹ ہے، ایشیا کپ ورلڈکپ کا کوالیفائنگ رانڈ بھی ہے۔
عماد بٹ کا کہنا تھا کہ ایشیا کپ میں شرکت کے حوالے سے فیڈریشن نے حکومت سے بات کی ہے، جو فیصلہ ہوگا اسی پر عمل کریں گے، میں سمجھتا ہوں کہ اس وقت بھارت جانا ہمارے لیے خطرے سے خالی نہیں۔
کپتان قومی ہاکی ٹیم کا کہنا تھا کہ فیڈریشن نے ابھی تک ہمارے واجبات ادا نہیں کیے ہیں، جو کمٹمنٹ ہو اس کو پورا کیا جانا چاہیے، جو میری آڈیو لیک ہوئی ہے اس پر غور و فکر کرنا چاہیے، میں سمجھتا ہوں کہ فیڈریشن کے پاس ابھی بجٹ نہیں ہے۔
پاکستان ہاکی ٹیم کیکپتان کا کہنا تھا کہ ہمارے پاس ایسا بیک اپ موجود ہیکہ ہم کسی بھی ٹیم کو ہرا سکتے ہیں، ہماری سہولیات کو بہتر کرنا چاہیے، فیڈریشن کو اپنے وعدے پورے کرنے چاہئیں، وزیراعظم سے درخواست کی تھی کہ ڈیپارٹمنٹس کی ٹیمیں بحال کر دیں تاکہ کھلاڑیوں کو روزگار ملے۔
ان کا کہنا تھا کہ کھلاڑیوں کی بغاوت کے حوالے سے باتیں سننے کو مل رہی ہیں، ابھی ایسی کوئی بات مکمل نہیں ہے جب اس بارے میں فیصلہ ہوگا تو پتہ چل جائیگا،
اس حوالے سے جو بھی ہوگا میڈیا کو بتائیں گے، ابھی تک فیڈریشن نے کوئی میسج نہیں بھیجا اور نہ ہی کوئی بات ہوئی نہ کسی سے رابطہ ہے، ہاکی باتوں سے ٹھیک نہیں ہوگی، ہمیں سہولیات دی جائیں۔
عماد بٹ کا کہنا تھا آڈیو میں جو باتیں میں نے کی ہیں ان پر قائم ہوں،کھلاڑیوں کے ساتھ کیے گئے کمٹمنٹس کو پورا کیا جائے، آڈیو میں جو کہا ہے بالکل درست کہا ہے اور ویسا ہی ہوسکتا ہے، اگر ضرورت پڑی تو دوبارہ بھی ایسی بات کروں گا۔
